何启华否认与MIRROR合资餐厅执笠　拟续租或搬舖：经营梗系有困难

最近有传由“无悔三兄弟”——MIRROR的杨乐文（Lokman）、王智德（Alton）及ERROR何启华（Dee），去年开设的泰式餐厅“泰鸠”似乎做唔住要执笠。自从今年5月起，经纪开始在网上登放租广告找人顶手，舖位据报为2,500呎（另加1,400呎平台），经纪在5至8月期间先后在facebook登过十多次广告，租金由最初的$128,000减至$118,000，惟至今似乎仍无人问津。

何启华（Dee）昨日与队友193（郭嘉骏）出席活动时被问起事件，他先是大笑，而同样有开餐厅的193就说：“我有入好多顶手group㖞，我都想睇吓有冇平嘢执。”Dee就表示：“我哋系会继续做嘅，系租约续租定系搬地方嘅问题，呢个系我哋confirm紧嘅嘢，同埋𠮶样嘢（放盘）几个月前已经出现咗。（最新进展系点？）大家过嚟book台食饭！”

193叫他要扮执笠，顺水推舟贴张纸在门口说“最后今天”，这样就会有人来帮衬，指很多餐厅都用此套路，“三日后同佢讲，唔好意思，转咗新老板，团队会留返喺度。”讲到续租问题，Dee哥表示同事跟进中，自己不清楚，“始终我正职系做戏呀嘛，唱歌呀嘛！”但当问到餐厅是否有经营困难，他亦反应很大直言：“经营梗系有困难！”193道出很多人的心声：“而家大环境经济咁差又冇乜减过租，香港店舖大部份唔好话经营困难，但系一定比之前差。”Dee哥身同感受，“啲租愈嚟愈贵，舖位减价，但你又唔会买到，都几辛苦啲嘅时刻。”193更打趣说：“舖头赚嘅钱都系攞嚟交租，希望有一日都可以做业主，做压榨人嘅角色。”

餐厅价钱大众化，又经常派饭等等，Dee哥说从第一日起开舖已不是为赚钱，“大佬！赚钱唔会开咁贵租嘅舖，亦都唔会拣咁嘅价钱啦个Menu，真系想有个地方，朋友、Fans或者街外客聚会都好，大家嚟食嘢其中一个泰国餐厅选择，平民价钱，大家一齐嚟食饭。（回馈社会都系你哋倾出嚟？）系我哋一齐谂出嚟，我谂回馈社会呢样嘢，唔系话畀个折就回馈社会、拯救万人，大家都住喺呢个地方，大家有艰难应该互相帮助，人性嚟㗎嘛，我哋有优惠填饱到你个肚系我哋福气，只不过大家要互相，做到几多咪几多。”

.