支喾仪背负金手指罪名　被指出卖曹敏宝龙婷：正义嘅人会帮你发声

继前港姐冠军曹敏莉亲妹曹敏宝（Mable）今年年初爆出疑与《中年好声音》参赛者人夫梁浩铨搞婚外情之后，龙婷亦被影到与资深演唱会制作人丘亚葵约会，更在车厢内激咀，二人因此难逃遭无线雪藏的同一命运。不过近日有报道指，支喾仪疑因担心地位受威胁而做“金手指”，出卖两人向媒体爆料。

支喾仪（Venus）今日（12/8）现身电视城出席TVB Plus《我推的野男Live ！》彩排，对于无辜被传做金手指连环出曹敏宝及龙婷，支喾仪接受《香港01》访问时表示：“本身我都系从事烘焙教学生意，喺做生意嘅过程唔系你哋常人想像咁简单，要喺事业由零变有，当中好有好多人去反抗你，诬蔑你，亦会去攻击你，又或者拒绝你。其实因为以前我有啲咁嘅经历，对于我嚟讲，今次系完全系娱乐圈嘅初体验，先知有呢种感觉。”

Venus续说：“对于呢次嘅风波，我就会好似以前啱啱创业咁，专注喺问题上面，同埋专注喺一啲开心嘅事情上面。（怕唔怕外界误会你？）其实清者自清，同埋唔使自己去澄清，因为身边嘅人系会帮你澄清，咁所以有时觉得自己又唔使讲太多嘢，因为团队同埋正义嘅人会帮你发声。(但背负金手指罪名！）人生就系咁，无论你做咩行业，又或者咩年纪，都会有机会被人刻意去抹黑，咁所以可以喺度话畀观众听，由一个素人变艺人嘅时候，内心一定要强大，千祈唔好畀一啲失实嘅报道去影响自己。不过无论点，真相始终有一日系会浮面，总之Keep住自己，唔好觉得俾人陷害，就去谂吓𠮶个人系边个，跟住要报仇，呢样嘢我系冇，总之Keep住自己磁场系干净就得。”