曹敏宝默认与周吉佩支喾仪反目而伤心：人生就系跌底再企起身

《中年好声音》选手曹敏宝（Mable）早前有传因与同届已婚选手梁浩铨传绯闻而遭雪藏，连人缘都变差，已久未见她与《中年好声音》的好友聚会，而“中一生”好友周吉佩和支喾仪亦因曹敏宝态度而断绝来往。

曹敏宝今晚出席《边缘禁地：沙丘丧战》首映礼时，她接受访问时提到以上种种传闻没完没了。“友情在心中，我都讲过好多次各种原因，唔使次次都好高调咁联络先叫朋友，一切可以用时间证明一切。（你喺“ 中一生”群组都少出声？）早段会有出声，但有时我未必每次聚会都会出席，26强都未必成日互约。（有无谂过点解会传出呢啲新闻？）我自己唔系好活跃聚会，所以对于一切是是非非唔想投入咁多，时间证明啦，因为友情系互相。”

而对于有指“中一生”有鬼，问到会否令大家有芥蔕，曹敏宝表示如有娱圈需要保护自己，不能用真心去交朋友，那可能不太适合自己，虽然明知会蚀底，但她亦谓喺呢段日子有真正好朋友支持自己。“喺呢段日子见到好雪中送炭嘅朋友，所以我唔会话拎真心出嚟系错。（睇清边个系真朋友？有话你同支喾仪同周吉佩反目？）基本上我唔想用呢两只字去形容，我亦都唔想猜度别人心意，友谊系双方，时间会证明一切。（伤心？）人心肉造，因为我之前曾经经历过啲唔开心嘅日子，喺最肥嘅日子去参加比赛，呢个比赛令我重启工作态度同生活，所以再次有之前经历系打击，但人生就系跌底再企起身，但OK嘅，因为我都系两孩之母，唔会咁易俾自己冧。”