朱晨丽愈变愈靓被质疑“变样”　否认有爱情滋润：而家依然空窗期

朱晨丽（朱朱）今日（5/8）现身湾仔出席《贾思乐 Happy Together 50年 In Concert》记者会，朱朱受访时表示与贾思乐相识多时，今日专程来到撑场：“其实我自己好钟意唱歌，同时亦好钟意听佢嘅歌，可以话由细听佢嘅歌长大。（叫佢教你唱歌！）唔敢呀，因为如果佢要教我唱歌嘅话，我谂佢系要用好多时间去教我，加上我知佢好忙，未必有时间理我。”

对于近来愈来愈靓，惹网民质疑“变样”。朱朱笑言：“点解你哋对我咁好嘅，成日写我个样变靓嘅，其实靓系开心嘅，但对我嚟讲又冇乜大变化。（有咩秘诀？）其实系食得清淡啲，就好似早排返去内地拍嘢，我都系食白烚鸡肉同鸡蛋菜，变咗𠮶段时间啲皮肤系靓咗，成个人嘅状态都好唔同。（变靓另一原因系有爱情滋润？）咁又唔系嘅，又唔关事嘅。（咁即系有！）唔关事，系饮食方面。（而家单身？）咁而家依然空窗期啦，我会努力，多谢大家开心。（小鲜肉考唔考虑？）年纪就冇特别介意嘅，最紧要系相处合唔合适。”