牛杂妹结婚｜老公招永鸿想李亦乔婚后收起性感：想佢日日着樽领衫

李亦乔（牛杂妹）今日（3/8）与拍拖7年圈外男友招永鸿正式拉埋天窗，晚上于红磡酒店延开23席广邀亲友分享喜悦，晚上午6时30分一对新人现身会见传媒。新娘子李亦乔身穿贵丽低胸长裙，加上巨型钻石婚戒相当贵气逼人。

新娘子李亦乔接受《香港01》访问时大赞老公招永鸿为人细心可靠：“我好记得之前，佢都会同我讲无论发生啲乜事，佢永远都会留喺我身边陪住我，所以我就觉得人结婚就系要揾一个永远唔会离开你嘅人陪住自己，咁所以我就觉得自己揾到，所以同佢结婚。（婚后收起性感？）我不嬲到唔系好性感㗎，老公乜我好性感咩？”老公招永鸿接著说：“好性感呀。讲真其实我都介意㗎，我都想佢日日着樽领衫㗎，不过因为香港天气太热所以冇办法。”新娘子李亦乔续说：“其实我觉得健康性感，我老公应该唔会阻止嘅，最后要系出到嚟系健康开心就OK。”

被问到婚后是否将财政全数交给老婆管理？新郎招永鸿笑言：“尽力，因为承诺嘅嘢系好庄重㗎，我只可以讲尽力，我留返几蚊买雪条就得。”新娘子李亦乔笑著说：“我嫁咗个识玩嘅老公，佢话佢每个月留返几蚊买雪条咁就得啦，其他嘅嘢就由我负责。”