Tyson Yoshi见未婚妻外貌被批爆粗护花　Christy高EQ回应赢尽支持

Tyson Yoshi日前在温哥华演唱会上，向拍拖7年的女友Christy求婚成功，“准程太”感动落泪，场面超感动，很多网民亦喜见他们修成正果。二人拍拖以来不时高调放闪，羡煞旁人，Tyson Yoshi的坏男孩外表与超锡女友的个性形成强烈反差，而每当女友被欺负或批评时，他都勇于开声维护，更曾高声表示：“保护身边人都做唔到，点做男人！”简直Man爆。

早在两年前，已曾有网民挑剔Christy的外貌，敢言的Tyson Yoshi在直播中连环爆粗，激动谓：“好样衰？咁点呀？我钟意呀！出名就要被人‘闹’？人红是非多另一面系好，我都明，但呢件事上，我系作为站在男朋友的立场！你试吓行行吓街、拖拖吓手，突然有个幪面人话你好样衰，之后有一大班唔知响边条巷走出嚟嘅人，叫你企响度，辩论你个样好唔好睇……睬你都傻啦！现实生活可以直接走！佢哋论点系讨论区可以讨论好多嘢，但保护身边人都做唔到，点做男人！我只系好奇，如果心态唔够强、企得唔够硬，走咗点算？有冇人谂过？唔系匿喺网络背后就唔使负责任，韩国已经发生过好多事例，好彩系𠮶个人心态好，冇出大问题。呢个已经唔系我女朋友一个人嘅事，大家设身处地谂吓！”

而日前Tyson Yoshi求婚成功后，却有网民再次抨击Christy的外表，说：“大家会对Tyson同佢女朋友咁有共呜（鸣），咁觉得浪漫，好Sweet，主要系因为佢女朋友系好普通，大家先会代入同幻想，佢女朋友好靓好靓大家唔会有啲咩反应的。”大堆网民留言围攻原Po主，他其后再补充：“Sorry大家，其实佢女朋友唔系普通的，我错了，系好X普通。”而Tyson Yoshi亦不忍了，留言回复：“😂 fxxk u on about”对方回复“Thank you”后，Tyson Yoshi再用“🧠🤔”回应，疑暗示对方冇脑。

Christy亦有感而发，出Post尝试用第三者角度谈及自己外貌受关注一事，认为不应用一个人的外貌去判断她是否值得拥有幸福或一切，她说：“*我个样just being我个样*: 网民反应两极☯️ 用第三身角度分享吓我谂法: 冇人应该用一个人嘅外貌 去判断一个人生命入面值得拥有啲咩say ‘你个样3 out of 10，咁好啦，你最多值3 out of 10幸福。’‘你个样4分，咁你伴侣应该______。’人生又唔系大型选美现场，唔好搞到大家同自己咁辛苦，一直追追追人哋个审美standard唔知为紧啲咩，最后又唔系𠮶啲‘人哋’为你人生埋单，都系要自己埋～言归正传，希望大家都唔使经历呢啲judgements，兜兜转转先识know your worth🧏🏻‍♀️”

贴文获逾7千个赞好，网民赞她好识谂，又指根本几靓的女仔都会有人觉得唔靓；另外都有人安慰Christy，表示觉得她其实好靓女好吸引。其实Christy过往遇到网民留言指她是“靓版马蹄露”时，她都试过虚心回应多谢。

按图睇更多Christy IG靓相：