Tyson Yoshi代林家谦领奖称“系你哋废”　本尊引梁朝伟名言回应

昨晚（12日）的《Chill Club推介榜年度推介23/24》上，林家谦高票获得“年度唱作歌手”奖，但他缺席颁奖礼的缘故，奖项就由好友Tyson Yoshi代领，Tyson再邀Serrini上台一齐代讲感受。Tyson在台上搞笑问：“而家系咪我讲乜都入佢数？‘唔系我劲，系你哋废’。”令全场拍掌爆笑；而Serrini则即场“𢱑捞”表示：“佢首《小林不动产》都系我写㗎。”还自言：“我系一个比佢好啲嘅唱作人！”

而事后网民就笑称，两位是不是用“上台乱讲嘢”逼使林家谦下届一定要出席颁奖礼自己讲感受。对于Tyson的一番“豪言”，有网民就改图，将刘嘉玲早前代梁朝伟领奖的感言，与Tyson Yoshi和Serrini的代领感言比较，林家谦亦因而在社交平台引用梁朝伟当时的名言：“唉，千祈唔好咁讲！”回应。

梁朝伟上月第六度获封金像影帝，由于他身处外地拍戏，由太太兼经理人刘嘉玲领奖，自己则越洋以视像形式讲感受。刘嘉玲感动说：“我知道梁朝伟攞奖，好多人会话‘又系佢啊？畀啲机会人啦。’我咁多年喺佢身边，佢真系好伟大嘅演员，普通一个演员会付出100分嘅努力，但佢付出咗500、1000分嘅努力，香港有好伟大嘅演员。”一向内敛怕丑的梁朝伟，即谦称自己只是好演员，称不上是伟大演员，多番说：“唉！千祈唔好咁讲！好演员OK，但系伟大就唔好喇！”、“哎呀！唔系伟大呀！”、“大家都付出咗好大努力嘅！”