芯駖@COLLAR触及腰伤痛到行唔到　台上忍痛跳唱落台即标眼水瞓低

COLLAR成员日前全员出席《KKBOX香港风云榜》，除唱跳《OFF/ON》、《Back in the game》外，又与Dear Jane 合唱《Chosen Family》、《银行修理员》。不过演出后的访问，就只得6位成员，未见有李芯駖份。队长Gao（沈贞巧）就解释，对方在演出时触及腰部旧患，要接受治理。

虽然Gao说芯駖伤势不严重，但实际情况似乎比预期中大件事，芯駖一返到后台原来已经行唔郁！她在IG发布后台相，只见她躺在休息室椅子上，并交代伤势：“台上第一个动作已经扭亲条腰，觉得有啲唔对路，行位都有啲痛，我称之为瞓捩腰嘅感觉，系演唱会嘅旧患。尽力完成part表演，落咗台以为冇乜事，点知已经行唔郁，瘫痪坐喺休息室，标咗一个钟头眼泪水，希望冇吓亲大家，只系有啲痛。”

从表演片段所见，演出时根本看不出她已经受伤，尽力完成演出，非常敬业！由于6月是Day（许轶）、Marf（邱彦筒）及Winka（陈泳伽）生日，众人在后台都有切蛋糕，但芯駖因伤躺卧，队友就捧著蛋糕围住眼湿湿的芯駖合照，场面有点搞笑。而芯駖昨日（3日）去覆诊时一样有虾碌事发生，她说：“啱啱覆完诊，途中仲爆咗軚，而家已经好返好多了，唞几日就会冇事。多谢大家关心，会好好治疗好快好返🫶🏻”她说的爆軚其实是的士，但队友就留言：“未睇相以为你话你条裤爆軚🥲”

早在3月的演唱会上，COLLAR其实已经轮住受伤，芯駖当时更自称是“受伤之鬼”，指每日朝10晚11做体能训练，有一晚跳《OFF/ON》要踢起脚，她太兴奋而整亲腰，“成条腰瘫咗，接近临On Show嘅五日，返到屋企瞓唔到，瞓喺度又痛、趴喺度又痛，已经即时做按摩，第二日揾咗好多个医生，好彩我哋有Medical团队帮我哋急救，电疗、刮痧、冲击波、针灸、放血，我哋每一日都放血。”今次触及的，正是当时的旧患。