九龙城寨｜张文杰原来系张家辉堂弟、杨盼盼契仔　爸爸更是特技人

电影《九龙城寨之围城》大收逾6千万票房，“城寨四少”火速弹起，除了“信一”刘俊谦外，网民认为“四仔”张文杰（German）亦是一大遗珠，虽然戏内长时间戴著面罩上阵，但观众都大赞他打得有型。

他接受24味的网台节目《24/7TALK》访问，讲起自己的背景和入行经过。他的家族与电影和演艺界有不解之缘，爸爸张孝慈是舞台特技人，“以前台庆、《东华》踩钢线，就系我老窦设计。”他说自己3、4岁已跟著爸爸四围表演，去飘色、去电视台，7、8岁正式学南拳、洪拳和剑，不停参加武术比赛。访问中German透露张家辉原来是自己堂哥，但不算太熟：“我哋家族好大，我哋唔算好熟，真系唔算好熟，只系最近呢几年我做咗电影行业，见到面倾返偈，大家Friend返少少，以前都唔算好熟。”

German小时候没什么爱好和活动，常常自己练功，16岁前四围玩杂耍表演，16岁获契妈杨盼盼引荐入行，加入电影圈做幕后。他说很庆幸自己与多位出色的动作演员长大，表示：“例如樊少皇、张晋、盼盼姐，佢哋全部都系好X劲。我同樊少皇拍好多戏，对好X多招式，佢系快到好X劲，点解佢只脚可以咁劲，我做唔到，我就迫自己我只脚要快过佢！”他更指，自己出完一脚，樊少皇已出了三脚，所以他很努力练脚，渴望超越对方。

之后German有机会做武术指导和替身，可以学拍戏、度招、设计、控制现场，但他曾因为不服气要为一些态度差的演员做替身，决心要进军幕前做演员。German说：“我以前有一种心态系唔抵得，点解我要帮演员做替身？冇人认同我或者冇人识我，我咁辛苦同你搏命，但系唔系个个演员都真系咁Nice，有时有啲人令我觉得好X嬲，我做乜要帮你？我帮完你，我周身伤佢自己就（冇事）。”他续说：“我觉得，我唔够你靓仔啫，但系我都唔系咁差，不如我都试吓做演员，我证明俾你睇我做到！”

不过他后来又改变想法，学得始终要有替身行业，因为替身其实是很专业的工种，而且若人人都有自己的想法，就冇人会再做替身，加上他近年见动作界、舞狮界出现断层，特技人入面最“当打”的都30几岁，不禁问：“我哋做最难度高嘅动作𠮶时，十几廿岁做，而家要啲三张嘅做，真系冇晒咁点算？如果呢个行业冇呢种人，咁香港动作片就会冇，咁X街啦，我哋食咩？”于是他便开了间武术学校，培育动作演员新血。

German讲到，当初自己同盼盼姐讲想做演员，甚至为了转型，宁愿冇工开都要推掉所有幕后工作，“我决定唔做幕后，所有舞狮替身我唔做，我要话畀人听我系一个演员！我系识做戏！牺牲好多嘢，因为系好X困难，你冇嘢拍，啲人都唔识你，点会无啦啦揾你做演员？所以我工作都推晒，我要话畀人听我已经唔系以前𠮶个German，我唔系𠮶个替身，我系演员。”

他又评价一些曾合作的演员，如《怒火》中同伙的谢谢霆锋，German说：“好睇！我都几Respect佢，佢好有态度，好知道自己边啲位靓，好识得欣赏自己嘅人，边样系型，边样系靓，唔系个个识。”而“宇宙最强”甄子丹，他就大赞对方好型、触觉又好，很懂得拍动作片，大赞：“好多嘢佢坚持系啱，拍电影系真系要时间、技术并存，唔系钟意拍就代表做到。佢用好多心机，嘥好多时间唔紧要，就系为咗呢样嘢要做好佢，佢系坚持要做好每样嘢。”