顾纪筠爆半山豪宅相当潮湿　每日开8部抽湿机：谂自己系咪有风湿

顾纪筠今日（17/5）以评判身份出席无线新节目《拍档厨房》拜神。顾纪筠接受《香港01》访问时表示：“今次为呢个节目做评判，系因为志伟同我讲话有嘢益我，话有好嘢食㖞。可能平时一个礼拜7日中有5晚我都会出街食饭，变咗全港九嘅餐厅我都试过晒，咁所以佢哋觉得我识得分咩叫好食，咩叫做唔好食。不过讲到煮嘢食，我系学晒所有嘅烹饪，但我就唔会入厨房嘅。其实主要系想屋企负责煮嘢食嘅朋友知道我系识煮嘢食嘅，加上自己多嘢做，咁所以系冇时间煮。”

提到早前在社交平台分享为Do姐庆祝开设 YouTube频道，邀请多位好姐妹到位于半山的豪宅作客，相中显示家中露台景观非常开扬，从太平山顶俯瞰香港，港岛中环、湾仔、维多利亚港都尽收眼底，以及家中巨型圣诞树下推满过百个Hermes 名牌盒气派十足。

对于家中居高临下俯视维港，顾纪筠笑言：“其实上山顶都睇到㗎，都系讲心情啫呢啲嘢。（住半山好潮湿！）系好潮湿，每日开8部抽湿机，加埋要倒8桶水，咁潮湿，对于年纪大系唔好，咁所以我要尽快搬返落去，等我唔好太过湿，哈哈。（你有风湿？）好难讲呀，因为一痛嘅时候，就会谂自己系咪有风湿。多谢大家关注，香港都真系一个好靓嘅地方。”

至于摆放过百个名牌盒在家中，顾纪筠笑言：“其实我成日喺我啲文章度讲，我系一个垃圾婆嚟，因为我咩垃圾我都储，因为我有个构思我系想整一件垃圾艺术品，连口唇膏嘅樽我都储，搞到我老公都笑话唔知点解会娶咗个垃圾婆返嚟。而我最初keep呢啲盒嘅时候，心有个目的系想做，但因为数量少，所以唔够睇头，变咗我系要一路系咁储，变咗每一个盒返嚟嘅时候，我都要用保鲜纸包住，然之后要摆喺货仓入面。点知咁啱𠮶次谂起个主题，于是就系咁摆咗喺圣诞树底。（好似有百几二百个！）都有嘅。（都系之前买完净落嚟嘅包装盒！）系呀，我谂都有储咗差唔多二十年。（而家仲有储？）仲有储呀，我谂有一日就唔储，因为香港嘅天气好潮湿，如果包得唔好，好易湿然后就发霉就唔用得，变咗我系要花好多心机去照顾佢。”