吴浩康爆近8 成艺人月薪有几低 一个理由去做地盘唔去借钱

吴浩康在1999年参加《全球华人新秀赛》在总选获得季军，签约华星入行，去年和合作20 年的英皇娱桨约满后离开，11月公开去了地盘开工，日前他接受Youtube频道BBO | Black Box office访问时，就坦言自己的歌手梦并未发完，香港很多歌手的坚持精神实在是值得尊重，而他去做地盘是因面皮薄。

低潮是自作自受

吴浩康说参加《新秀》对他而言是：“我人生好重要嘅mile stone，就系16岁参加比赛。”后来他2003签约英皇，因唱功曾被喻为““靓仔版”陈奕迅，回想当年，吴浩康说：“一起步嘅时候超顺畅，所以就会觉得好多嘢好容易，因为生活太顺畅、太好玩，所以就年少轻狂。”2004年在警方一次扫毒行动中，吴浩康被捕和藏有危险药物罪名成立，所以对之后的事业低潮，他说：“我嘅低潮全部都系自己带畀自己，自己搞出嚟。”

不能用养仔做借口

去年始去做地盘，吴浩康说是因为自己面皮薄，“年纪越大面皮越嚟越薄，唔想去用借钱，或其他嘅方法去过呢个时期。会介意第日个仔，会听返啲咩说话，佢冇话过‘老豆，你去借钱畀我买尿片呀’佢冇讲过，佢冇咁做，我唔可以喺佢冇得拣嘅时候，用养育佢嚟做名义去借钱。如果未可以透过唱歌去赚钱，我咪做住其他嘢去揾钱啰。”

拍戏同地盘一样环境

吴浩康说自己现时星期一至四返地盘，八点到下午五点收工回家冲凉，看他太太是否有东西要他去买，然后就马上返studio教学生唱歌教到十一点。有时吴浩康会在网上分享自己当日食甚么早餐，他说如果要食早餐，就要早上5时45分就起床，“咁先至可以有个短短嘅me time。”被问到这样的生活岂不是比做歌手更攰？他带点自嘲说：“做歌手都可以好攰㗎，我冇嘢捞啫。其实如果讲环境恶劣，拍戏恶劣啲，拍戏系好辛苦嘅。大家以为啲明星可以好好咁坐喺度食饭，你要好明嘅明星先至可以，如果唔系都系沙尘滚滚（环境）好恶劣。”

公开求PM介绍

吴浩康在2023 年开始去做地盘，但就在11月才拍片公开此事，他说在开工时“好多人拍到，拍到我都觉得烦。啲人会讲你系公众人物，拍吓你预咗㗎啦，系唔犯法、系预咗，但系唔代表舒服，如果我冇公开讲过你哋就好似发现新大陆咁，我公开讲咗佢喇你哋唔使咁好奇。”他说做地盘目的只有一个“净系为出粮嘅啫，冇谂过大家对我有任何睇法，如果要扮嘢嘅话，我使乜霉咗咁多年至去做。”对于有人说他返地盘都只是“hea”做，他说：“我觉得睬佢都嘥气，如果你揾到份工畀我hea做，又有粮出嘅，不妨PM（私信）我。”他说自己只需要对出粮给他的老板，和合作的人交代，“如果呢一班人话我hea，我就真系会检讨。”

要欣赏香港艺人精神

由艺人转去做地盘，有些人会很负面地认为他在娱乐圈“捞唔掂啦，一早就应该去（做地盘）。”吴浩康说：“香港以我理解，占咗有75%嘅艺人，收入不如一个地盘工人，我哋要欣赏嘅系香港艺人漂亮嘅spirit、咁辛苦都继续挨住。”吴浩康说之前听过有一番关于他的话是，“去TVB大台又唔要佢，ViuTv又嫌佢老，内地？你睇佢公司都唔推佢返去，你就知佢冇路行啦，度度都唔要佢。”他觉得描述得很贴切。“度度都冇一个落脚地，所以我自己曾经都会觉得，究竟自己可以做啲咩呢？”

还在发歌星梦中

最近有网友跟吴浩康说“好欣赏你终于唔发明星梦啦”他说：“我做呢份工就系为咗，揾多啲钱嚟发我嘅明星梦。我都同佢讲，对唔住我系未醒嘅，我唔会醒，我只会用一啲实际嘅方法，实践佢出嚟。”吴浩康说最初他去找地盘工时，对方故意派好辛苦的工给他，到见到他去开工时，对方说：“估唔到你真系嚟㖞，我买咗你唔嚟。”做地盘之后竟然会为吴浩康带来一些演出机会，就是一些建筑商找他做annual dinner嘉宾，他说：“好开心，成件事系好温暖嘅。”因为那些公司的写字楼同事会像其他歌手的粉丝般，在现场为他举牌支持他。

总有一日会回去

吴浩康说他现在的老板说会尽量安排工作给他，跟他说：“畀你做嘢系因为你系我朋友，但系喺心入面，做咗朋友就更加想喺银幕见到你，多过喺地盘见到你，所以你要放假就同我讲。”吴浩康在讲这段话时，自己也非常感动，连地盘认识的人都支持他继续追歌手梦。他说去年在亚洲博览馆做工程，见到叱咤颁奖礼时很多歌手在门口同fans庆祝，他说：“𠮶条路就系我每晚收工都会行过𠮶条路，我由头到尾都知道，有一日我会返去。”未能以得奖歌手身份回到舞台前，吴浩康下月就会开个人演唱会，再次以歌手身份出现。