逆天奇案2｜相隔26年再拍剧　梁小冰为角色激减16磅：重生一样

昨晚（16日）一集，相隔26年再拍无线剧的梁小冰终于登场。剧情讲述升职在即的莫Sir（李国麟饰）带队执行任务期间，在庙街重遇变得落泊又苍老的“旧情人”阿兰（梁小冰饰）。原来莫Sir当年曾担任卧底，并於潜伏期间认识黑帮头目侯世秋（彭廸安饰）妹妹侯淑娟，更不自禁对淑娟情愫暗生；之后莫Sir因受上司威逼，无奈下利用淑娟对自己的感情套取情报，虽成功瓦解黑帮，却同时毁了淑娟一生；自暴自弃的淑娟最终因犯事在外地受了30年牢狱之灾，重获新生后改名阿兰并于庙街摆档，可惜却受到其他档主及黑帮欺凌，原本已万分自责的莫Sir见状更觉心痛，遂乔装前往与阿娟见面，可惜却搞出另一大头佛…

重遇30年前老友最开心

小冰在剧中饰演的阿兰因历尽不幸，令样子看上去比真实年纪大很多，40多岁的年纪不但已满头白发，同时亦满面皱纹，比起现实中已年届54岁的靓靓小冰样子更要老一截，令网民大叹造型有惊喜！小冰受访时亦坦言自己之所以一口答应监制邀请演出，全因角度够晒高难度。小冰说：“唔经唔觉都主演咗50几部作品，作为演员梗系想所有角色都演吓，呢个角色好有挑战性，大家都会谂我会演CEO 高层呢啲角色，呢个角色无论遭遇同造型都够晒估唔到。”小冰续指今次拍摄最开心是重遇多年老友：“监制、导演、摄影师同造型师全部起码识咗30年，我觉得呢个团队超晒班！”

半粒钟极速化老妆

谈到老妆上妆过程，小冰笑言不足半小时便完成：“化靓妆就要个半钟，化丑妆只需半个钟，因为化妆师好犀利，佢哋摆咗半打架生喺台，一嚟就不停系咁喷，之后再逐条逐条将头发画白，最紧要系够大刀阔斧。”小冰续指由于监制想于剧集播出前尽量保密“老妆”造型，故小冰为了配合保密也花了不少心力：“好似我化咗妆后有好多演员要求合照，我都要谂好多原因去拒绝，因为唔想曝光个妆，造型一曝咗光就会令到观众冇晒惊喜。”小冰又笑言是次拍剧有不少难忘事：“喺庙街𠮶度拍摄，因为又要搬嘢又盛，系热到由头湿到落脚，同埋𠮶度棵树啲雀屎系不断跌落嚟！”

小冰又大爆为了角色刻意减磅：“我喺2023年1月最高峰（体重）系132磅，其实我本身都想减肥嘅，点知家豪哥同志江打电话嚟邀请我，令我更加有动力去减。拍摄𠮶阵我减到116磅左右，我依家就已经减到104磅，简直系重生一样！”小冰大叹Baby Fat搞到“襟老唔襟瘦”：“就算我瘦到成条藤咁，块面都系肥肥地，要去到参选时93磅𠮶阵先会睇落系瘦。”