王晶批梁朝伟演技过火 应该不领奖惹争议 吕良伟：调转佢会咁做

第42届香港电影金像奖颁奖典礼日前圆满结束，梁朝伟凭电影《金手指》击败其他对手，勇夺“最佳男主角”，第六次荣登影帝殊荣，但赛果却引发网上争议。资深导演王晶在微博上也发表了自己的睇法，批评梁朝伟在《金手指》演技过火，又认为梁朝伟应该主动宣布不再参与奖项角逐，将更多的机会留给年轻一代的演员。

吕良伟今日（16/4）现身太子老人院捐款活动，就事件接受《香港01》访问时说：“伟仔嘅演技系公认，咁所以变咗各自努力，各自修行，向自己心目中嘅目标进发，我觉得系应该嘅。不过我就觉得晶哥就有佢自己嘅睇法，如果调转佢会咁做啰。但每一个人嘅谂法同要求都唔一样，我就觉得其所啰，最紧要大家喺呢行用咗心，去做好每一件事，口碑自然会出咗嚟。咁所以我就觉得我哋嘅演员向目标进发系一件好事嚟。（自己都好想有一日踏上金像奖舞台上？）其实我哋每位演员都有自己心目中嘅梦想，都有一座高山要去超越嘅，而我都系演员都好想有朝一日可以冲破自己嘅局限性。”