【Big Big Channel】课金收入落艺人袋？ 简淑儿：未讲到好实！
TVB嘅Big Big Channel今日开始试玩，打住直播嘅旗号，可以同星体验视频通话嘅感觉，暂时见到胡定欣、龚嘉欣、孙慧雪、林颕彤、黄心颖等艺人都有开过直播，和VOOV及其他内地直播平台一样，都有送礼物的功能，最简单的心心星星依啲系唔使钱嘅，进阶版嘅礼物就要用代币买喇。
最平的礼物是波波糖，价值5个代币，朱古力和赞好手势分别值20和25个代币，之后的唇印一跳就跳到180个代币，而暂时最贵的礼物是“收视冠军”要520个代币。
睇完礼物当然都要睇下课金嘅玩法：
咁计落一枝波波糖都系4毫子港币，但要买最贵的收视冠军的话，多谢承惠42蚊！抵唔抵真系见仁见智，但作为粉丝最关心当然是有几多钱系落到偶像袋啦！
《香港01》记者致电简淑儿（Jessica）问起关于Big Big Channel的问题，她笑言一直觉得拎住电话自己讲嘢个感觉好奇怪，所以一般都好少玩Live，新App都未试过玩，但之前公司有同佢哋简介玩法：“有讲解，但好似好复杂咁，㖊日都有message我叫我试玩，但我未有时间。”
Jessica话知道系公司App玩Live会有礼物功能：“内地有啲App都系咁，同我们都系sell依样嘢。”咁收到礼物会唔会分返帐畀佢哋呢？Jessica就话其实系有嘅：“不过我未有时间了解，好似系收到一朵花会分到唔知几多钱，上次有讲，但好似未讲实，有个大约个数，百分比有几多我就真系未知。”
其实听落都唔错吖，艺人搭车冇嘢做，就可以拎部电话出嚟玩下直播，同粉丝联谊下还可以赚下外快。记者再致电今日有开过Live的林颕彤（Bella），Bella表示Live的时候有收到好多礼物，但对于礼物转换成钱方法就同Jessica一样唔多清楚，讲到外界有其他App对送礼物最多的粉丝有奖励，TVB可有类似玩法？Bella就笑言：“我可以开多啲直播同畀多啲生活嘢大家睇，或者试下送礼物回馈大家？我都未谂，因为真系刚开始玩。”