【Big Big Channel】麦明诗教小朋友做功课：有啲我题目都唔肯定

TVB又有新搞作，由上年讲到今日的全新免费手机应用程式Big Big Channel，今日终于举行发布会，宣布6月23日有得体验，7月23日正式出街。不过以Big Big Channel这个App来说，真的是无奇不有，艺员可以钟意分享乜嘢都得，但其实其功能都与普通社交平台及直播相似，今日全台艺员大晒冷，佢哋又知唔知Big Big Channel咩玩法？

就此问到十优港姐麦明诗，佢第一句就话：“系呢个App方面，我都真系出尽全力。”原来她有份参与试用App，协助开发。据知她未来主打帮小朋友解决功课疑难，早前就试验过，收集多名小朋友的功课，她坦言现时小学生的功课都唔太易，“有啲题目我睇到都唔系好肯定。（有咩题目会难到你？）好似有啲常识题咁，例如会问香港嘅雨季系几时，都真系未必知，而小朋友都会好关心呢个问题，因为有机会唔洗返学啊嘛。”虽然麦明诗搞“小朋友问功课”，但而家网络发达，有咩Google都得啦。麦明诗就不认同，她说：“搞呢个就系唔想小朋友一唔识就上网揾答案，好似我细个咁，唔识就同妈咪或者同学讨论，仲学到嘢。”

除了教做功课，麦明诗自己就想直播讲下两性话题：“我发觉人总系离唔开呢个话题，有机会都想同几个KOL倾下呢个话题。（想同边个合作先？）我几想同王迪诗倾下，佢系我师姐，我一直好想佢倾下，两个人一齐出嚟倾会爆到好多火花。”名咀对名咀，一定好多嘢睇。