【多图慎入】TVB逼歌手恐怖Cosplay？谭嘉仪扮初音 JW做Cupcake
撰文： 许栢伦
出版：更新：
寻晚打开部电视，当你见到电视屏幕鬼五马六的时候，假若你再三确认过，心知自己没有选错台的话，相信你就系看到《2017劲歌金曲优秀选第一回》，他们浮夸的打扮，的确几吓人。
虽然话睇颁奖礼唔好太认真，只要当佢系一场骚就得，但你谂都谂唔到，睇完颁奖礼分分钟会发恶梦。今次大会以Cosplay动漫人物及特别角色造型为主题，出席嘅歌手几乎都要玩，虽然有幸出席TVB颁奖礼的歌手，来来去去都以“星梦”及“英皇”两大势力为主，可是其他细唱片公司的歌手都尽心打扮过，加上大会有专人指导，造型方面都玩得几尽，JW更让人一睇难忘...你望下佢条裙先。
其他歌手都好有诚意，你又知唔知佢哋扮紧咩？（图片内有答案）
+9
整个节目只有接近一小时，又要颁发20首得奖作品，自然非常赶时间，不过首位得奖的就是1988年首次拿优秀选的李克勤，以特别嘉宾出席的克勤，有特别的福利，所以有接近10分钟的表演时间。克勤笑言自己似小学生，但老实讲又唔系好似有Cosplay到。不过望真啲，发现原来佢暗地Cosplay做韩星朴宝剑，事关...自己睇图。
做过主持的克勤非常好口才，当主持之一的谭嘉仪叫佢评价一下各人的衣著时，克勤就好识做咁话：“我年纪大，我惊唔识评价咋，个个都靓啦”仲掌门人上身：“大家畀掌声佢哋啦！”
歌手的Cosplay似唔似各花入各眼，不过歌手们投票当中，Cosplay大赏就由钟舒漫夺得，她为了模仿神似，需要拥有一对Bling Bling眼晴，于是整晚都贴著“假眼”，一直只能望地下，总算冇白费！
JW在ig更发放短片，真系好似Cupcake！