容祖儿演唱会｜台上惊爆“打开胸围”　自爆被催：再唔搞就冇得生

容祖儿34场的《ANOTHER SIDE...... JOEY · MY SECRET · LIVE》演唱会不经不觉已经唱了19场，祖儿病愈后愈唱愈勇，每晚都令观众回味无穷。上星期不少圈中好友也有前来捧场，如：Tyson Yoshi，魏浚笙（Jeffrey）、林家谦、甘比、李嘉欣、郑希怡（Yumiko）及女儿梁浸浸、黄依汶及儿子陈真等等。

每晚点唱及安歌部份，祖儿都跟歌迷大合唱，气氛热烈。昨晚大合照时，她扮“Zombie”（丧尸）跟观众大合照，非常搞笑，当陈真一听到她扮Zombie就非常兴奋，于台前狂扮不同动作，引得观众及祖儿都哈哈大笑。

为了不让已购票观众失望，祖儿把本来安排好的休息期也放弃用作补场，所以每日除了用尽能量上台唱歌之外，她便马上回家休息，而后台亦不再可以跟来访的朋友打招呼，免得人来人往一不小心再受感染，“好多谢来睇骚所有朋友，不过公司惊我再病，所以就严禁我喺后台太开心，冇得同嚟睇骚嘅朋友影合照留念啰。好在朋友都明白同体谅，完骚入唔到嚟影相，但都有Send短讯畀我打气，好温暖同感动。”

最近好多歌迷都指祖儿太瘦，叫她多吃点东西，“依家51公斤，竟然系5年前做《Pretty Crazy演唱会》个磅数呀，好Crazy……已经都冇谂肥唔肥㗎啦，早午晚三餐，下午茶，完骚之后返屋企同妈咪宵夜，我食得落我都照食晒，因为我知道大家都唔会care我肥瘦，依家最紧要系有体力，身体健康，所以大家唔使担心。”

她又在台上搞笑问大家：“做左廿四年歌手，系咪冇岁月痕迹？睇下条马甲线，系咪好Fit呀？喺社会做咁多年嘢，我仍然相信世界系充满色彩，相信世界系善良、好有希望同美好。之前有段日子，冇办法要离开香港工作，录左首新歌都冇办法返来宣传，同大家讲下我对呢首歌感受。𠮶阵自己喺跑步机上听自己首歌，流咗两滴眼泪，首歌畀左好多力量我，叫我唔可以放弃。我真系冇谂过首歌竟然唔返嚟宣传都可以得到大家厚爱，五台两星期连续双冠军，连Viu TV我都冇去过，都系两星期双冠军，应该系我人生史上第一次咁好成绩。好温暖，好多谢支持呢首歌嘅所有朋友，多谢大家咁爱呢首歌，所以我同自己讲，我可以返香港我就一定会喺舞台上同大家分享呢首歌——《东京人寿》。呢首歌教识我活在当下，珍惜现有，珍惜身边一切。”

此外，昨晚在Talk位时祖儿分享了《狂野时速》之极速赶客新故事，因为观众反应热烈，不停搭嘴，搞到气氛非常欢乐，笑料无穷。祖儿笑讲到多朋友都戥佢著急，“佢哋成日话，我再唔搞就冇得生㗎喇！”观众大叫：“点搞先？搞咩先？我喺度呀，结婚啦……”引爆全场笑弹，祖儿闻言忍笑答：“唔系呀，即系‘搞掂’佢呀，哈哈哈！呢度好色情呀，我企返后啲先，哈哈……”

她又自爆择偶条件：“其实我要求好简单，只系希望五官端正，身家清白，有头发，点解咁难揾？所以我觉得一定系我心态问题，于是我同自己讲，唔好谂咁多啦，打开个胸围……打开个胸怀先系，哈哈哈！”她错将“打开胸怀”讲为“打开胸围”又引发全场大笑。祖儿谓其实她天生13点，袋了不少私人小故事，个骚已经做了一半，所以会随心情即兴再爆小故事给大家听，之后每晚是否有新惊喜就等大家进场体会。

而下星期五（18日），祖儿会同步为她的善慈基金筹款，8月18日至20日于香港演艺学院设《容祖儿慈善义卖会》，连同身边好朋友一齐进行断舍离，把用过一次半次，甚至没用过、冇穿过的新衫、裤、鞋、手袋、饰物等等，拿出来义卖筹款。祖儿表示，今日开始已经叫齐公司兄弟姐妹及身边朋友，一齐参与今次断舍离，她说：“反正佢哋同我差唔多，用唔著都系放喺仓，不如公诸同好做善事。迟下收集晒朋友清单，我再同大家公布下有咩单位、有咩朋友一齐参与今次义卖，等歌迷朋友可以预留时间嚟演艺学院抢啦！”

《ANOTHER SIDE...... 容祖儿慈善义卖会🌷》

日期：
8月18日（星期五）下午1时至晚上9时
8月19日（星期六）下午1时至晚上8时
8月20日（星期日）下午1时至晚上8时

地点：香港演艺学院 赛马会演艺剧院

* JOEY & FRIENDS 将捐出物品作慈善义卖
* 所有收益将作容祖儿基金会日后慈善用途

备注：
- 接受现金、信用卡（Visa、Master Card、银联）支付；
- 请自备环保购物袋；
- 如现场人数太多，将实施人流管制措施。