张敬轩久违直播万人观看　为新MV亲制道具：喺Portobello临急揾

张敬轩4月20日发布全新广东作品《隐形游乐场》，歌曲上架后，即时登上iTunes、KKBOX的主要音乐串流平台第一位。晚上轩仔便于IG开live宣传新歌，由于久未开live，加上距离上次出歌已接近一年时间，昨晚的直播有高达一万多人同时在线收看。

张敬轩眼红红爆父亲日前家中昏迷险丧命：Covid后遗症吓亲我阿妈

回归创作歌手位置，新歌《隐形游乐场》由轩仔亲自作曲，他表示这次想写一首自己喜欢的歌曲，“赶潮流嘅嘢唔难做，但系要做一啲嘢或者一首可以感动到自己嘅歌，我觉得会比较忠于自己。”他又感谢一众制作歌曲、MV的好友团队的付出，“呢班香港嘅朋友真系冇问价钱、冇讲过价钱，只要佢哋有时间，佢哋就嚟。呢种一呼百应嘅感觉系令到今日呢个mv可以成功online嘅原因，所以我想藉住呢个live，亲口去多谢参与呢一个MV project嘅所有嘅朋友。好感恩喺生命当中遇到咁多叻嘅人、咁多劲嘅人帮手。”

除了得到众人的仗义帮忙，轩仔自己亦动手制作道具，mv一开始出现的控掣台，就是由轩仔亲手制作，“块木板我喺文具舖买，然后揾咗块旧嘅丝绒包住，上面𠮶啲指针全部都喺Portobello临时临急揾。听日拍mv，今日觉得：‘喂，唔得呀，真系要有个control panel俾阿Y（Wyman）啪掣去挞着个‘隐形游乐场’㖞、挞着个木马。’所以就做咗。要去好多古董舖揾，揾唔到嘅表，其实有啲系指南针，其中一个系以前嘅电灯掣。”除此之外，轩仔又为一众DSE考生打气、又预告将会有另外三个版本的mv释出、更谓十分期得今个星期日于观塘apm举行的签唱会等。直播期间，身处日本的Wyman黄伟文原来亦在收看，他留言表示自己去了富士山找黄色大门，十分疲累，更相约轩仔过几天一齐开live。