张敬轩眼红红爆父亲日前家中昏迷险丧命：Covid后遗症吓亲我阿妈

刚推出新歌《隐形游乐场》的张敬轩，久违在IG开直播与粉丝分享心情，长达一小时滔滔不绝，更眼红红自爆张爸爸日前昏迷险出事。

甚少提及家事的轩仔在直播尾声突然眼红红，并透露张爸爸早前在家突然昏迷，差点踏入“鬼门关”：“本身冇谂住讲，不过呢个夜深人静嘅时候都系比较感性。”他表示父母於伦敦时确诊covid，不过上机回港前回复一线，返港后父母于香港多留个多星期便回广州，而轩仔亦打算赶完mv后便回广州探望：“有一日我打俾我阿妈问佢搞紧乜嘢，佢话啱啱煮完饭，然后佢问我做紧乜嘢，我话啱啱返咗屋企，佢问我有冇忙紧啲好紧要嘅嘢，我话冇。佢话：‘而家过咗先话俾你听啦，你老豆琴日差啲冇咗啦。’原来爸爸喺前一日，由于covid嘅一啲后遗症，喺屋企突然间昏迷，吓亲我阿妈，佢一个人又擡不起160几磅嘅爸爸，最后要请楼下保安帮忙。好彩当晚爸爸后来醒番，又稳定番。”

轩仔坦言经过今次事件，他终于解决了近五年来一个最大的问题：“就系我阿爸阿妈终于肯搬嚟香港啦！”因为原来早于十年前，轩仔已经劝父母搬到香港一齐生活，不过张爸爸坚拒反对亦没请外佣：“我爸爸由细到大都系‘独家村’，佢唔钟意同任何唔系呢个屋企嘅人来往，虽然佢生住一副好外向嘅样，但其实佢系一个好内向嘅人。所以我好多谢天父咁多年佢哋身体都好好，爸爸除咗有一、两次跌亲其实都冇乜问题。”轩仔透露将会开始安排父母于香港的生活：“可以照顾到佢哋啦，唔驶做嘢时又可以返去食饭陪吓佢哋，有啲乜嘢都可以照顾得到，所以我好想同大家分享！我觉得喺一个屋企嚟讲，照顾到佢哋，喺人生呢个阶段系好重要。”