【专访】乐印姊妹情人节各自精彩　骆胤鸣讲男友：冇惊喜我会嬲佢

SiS乐印姊妹即将于九展举行“SiS cappella Dream Concert”，乐印给人的感觉一直都非常正能量、小清新、文青……而其实乐印姊妹也是有情歌的，好似《爱phone了》和《520》等等都是开心情歌，对上一首新歌《新世界》亦加入了有关爱情的歌词。适逢情人节，乐印姊妹就尝试用“乐印Style”为大家送上《爱你》。
摄影：黄国立
发型及化妆：Rita Leung
服装：Tout a coup@it
场地：Artbeat Plus

妹妹骆胤鸣（烙印）向来拍拖都拍得相当高调，谈到今次开骚男友可有甚么表示？烙印笑言自己一开始知道要开骚喊了很久，一来时间紧逼非常紧张，二来想起同事的支持，不想辜负大家期望：“我将成件事讲咗畀男朋友听，佢就即刻摔我，话咁你啲时间要点样分配啦，要早啲瞓唔好打机啦，仲睇实我啲WhatsApp上线时间，睇住我几点瞓，瞓之前又要WhatsApp佢。”虽然烙印讲了很多男朋友对她的限制和指导，但烙印一脸幸福的说着，似乎相当受落呢。

记得之前烙印之前有讲过男朋友也是半个圈中人，今次的音乐会男友可会落手帮忙影相拍片之类？烙印笑说男友一听到提议即时耍手拧头：“佢话唔好搞佢啦，你哋个啲专业人士做啦，难得公司畀咁多钱你哋做，紧系用公司钱啦。”拥有一个精打细算的男朋友，烙印更称男友是自己的“Guide”，因为对方会拍引自己的方向：“所以够架喇，唔好畀咁多压力我。”

至于两人的情人节会怎样过？首先，无论拍拖无拍拖都要向情人节大餐Say NO!“因为要减肥。”不过两姊妹似乎就同人唔同命，有拍拖的妹妹放了近个半月来的第一日假，更会和男朋友去玩：“本身系想去睇伊藤润二架，但系…依家唔知呢，到时先谂啦，情人节难得大家有一日假，佢应该会有惊喜畀我架喇，我估…除非冇，冇我会嬲佢㗎喇，然之后摆上Facebook。”

而要过单身情人节的家姐就选择过有意义的一天，中午会先去中学教A cappella，更笑言有信心收到朱古力：“因为我记得我细个𠮶时冇拍拖，但女仔都会整啲朱古力，会送畀同学同老师，咁我谂我都会收到。”而晚上就要为演唱会继续勤加练习，“睇下会唔会做Facebook Live啦！