乐印姊妹由沙发唱到舞台　家姐最爱古典音乐：五月天啲歌好嘈

“终于开骚喇！自出娘胎开始我哋就系会有一日会企喺个台到！”SiS乐印姊妹一讲到开骚，就兴奋的讲了上面的这番话，本月即将在九展举行的“SiS cappella Dream Concert”是乐印首个个人音乐会，由家庭卡啦OK唱到今年终于可以踏上台板，将A cappella和流行曲融合，为大家带来她们修练了20几年的音乐。
摄影：黄国立
发型及化妆：Rita Leung
服装：Tout a coup@it
场地：Artbeat Plus

童年时屋企就是最好的游乐场，不过独生子女会比较惨，虽然可以玩煮饭仔，但要一个人做晒爸爸妈妈囝囝囡囡；可以扮超人，但自己做超人就要打公仔怪兽，SiS乐印姊妹比较幸运，因为有一个兄弟姊妹，而且对方和自己是有共同嗜好真的很难得。

在两人的眼中，屋企的客厅就是属于自己的舞台，依照两人所讲，两人3岁就已经出道，首个出道舞台是家中的沙发，出道一歌是“《双思风雨中》骆氏姊妹Cover.”。“我哋细个企喺沙发上面，然后会好型咁跳落嚟，以前仲有张云石台仔，我哋会跳上去唱歌。”

两姊妹雀跃地回想以前，笑言当年总是在父母上班的时间，偷偷开卡拉OK机唱歌，“佢哋会有啲大碟（LD），唔系黑胶嚟，我哋个时唔识分，只知有部机有得唱卡啦OK，有枝咪可以插入去，偷睇完大人点做，我哋就私底下跟住做，成日自己插枝咪唱。”

卡啦OK，乐印姊妹细细个就开始唱喇，而且两人更因此有了第一个偶像，他就是张学友，“唱K的杂锦碟一定要有佢嘅歌，成日听张学友、徐小凤、蔡琴，我哋会听上一代嘅歌。”两人更笑说好想请学友做今次音乐会的嘉宾，不过其实也太妙想天开了吧。

两人年级不同，所以功课上没有甚么交流，小时候的话题除了讲学校老师坏话就是音乐，问到两人是否从小就有相同的音乐取向？妹妹骆胤鸣（烙印）就投诉话家姐骆胤桦（乐桦）曾经弹五月天的歌好嘈：“有一排我好钟意五月天，佢就系咁话五月天啲歌好嘈，我就解释系因为个喇叭问题，个音响唔好好令佢觉得好嘈啫。”

被妹妹投诉，乐桦就解话话因为自己比较喜欢古典音乐，所以会觉得Rock n roll好嘈。乐桦又自认是乖乖女一名：“细个买碟好贵，百几蚊一只，我会好乖去图书馆借个啲嚟听，好乖㗎，听完两个礼拜就还，同佢（烙印）好唔同，佢就网络去听。”烙印听言就笑说其实自己亦会在旁听家姐借的碟，后来年纪渐长，大家亦开始懂得互相了解对方的音乐世界，直至现在一齐出道做歌手。

问到今次开骚可会再唱儿时卡啦OK的饮歌？两人就话旧曲经典个个都识，反而近年香港乐坛慢慢在萎缩：“大家都只系怀旧，向前辈致敬，但冇新嘅音乐，我谂唱新歌会比较近乎我哋嘅理念，可以向同辈致敬。”