全民造星IV｜泳儿澄清自己冇亲手淘汰Ash：我都好钟意佢
泳儿（Vincy）除了是TVB歌唱比赛《声梦传奇》导师外，近期也担任选秀节目《全民造星IV》第二轮比赛评审，协助节目寻觅合适的女团人选。另一边厢，《声梦》四位人气女将炎明熹（Gigi）、姚焯菲（Chantel）、钟柔美（Yumi）和詹天文（Windy）率先组成女团After Class，并在昨晚（28/11）的《星光熠熠耀保良》首度公开表演。Vincy当晚现身红馆，在表演后接受《香港01》访问，也谈起对TVB和ViuTV旗下女团的看法。
赞After Class识执生
先谈来自《声梦》的After Class，身为导师的Vincy觉得四位女声的实力愈见进步，也听闻当晚表演遇到突发事件，觉得她们应变能力高：“听讲佢哋唱𠮶阵支咪调转咗，变咗佢哋有一段时间系听唔到自己唱咩，但系我头先睇电视就唔觉有好明显嘅出错，佢哋执生能力好高。”至于《造星IV》参赛者，Vincy觉得她们能力高，不过她认为两个电视台对女团的要求不一样，风格也会随之有差别，难以直接比较：“例如ViuTV应该系著重跳舞多啲，因为当中跳舞部份嘅演出都有好多；而之前做《声梦》嘅时候，我觉得佢哋著重唱功多啲。我觉得唔可以直接对比，但系乐坛多啲唔同类别嘅新人，有女团，有男团，都系一件非常开心嘅事。”
第二轮冇投Ash走
在第二轮比赛播出后，Vincy承认收到不少朋友质问自己：“点解要Foul Ash？”其实在该集节目中，Vincy是按下蓝灯，认为应该淘汰阿Mic。Vincy也在访问期间澄清，又指自己其实看好Ash：“我都好钟意Ash，但系都明白其他评判点解会投走Ash，因为𠮶日喺跳舞上，佢对比其他参赛者嚟讲系失准咗少少，但系我觉得佢个样有观众缘，所以我系冇foul佢。不过出到嚟，我都要尊重所有评判夹埋一齐所得嘅票数。”Vincy强调当日担任评判时只根据在比赛时表现下决定，事前并不清楚参赛者背景。
全民造星IV︱天籁Ash冇得留低 梁祖尧接受唔到：评判Foul错人喇
对于网民对赛果展开激烈讨论，Vincy认为是时候用实际行动支持被淘汰的选手：“如果大家觉得可惜的话，依家最好嘅系网民支持佢哋出嚟，无论系做女团、solo、演戏都好。我觉得有实力嘅人唔需要担心，依家有好多平台畀佢哋发光发亮。”她又说每一位参赛者遭淘汰都会觉得可惜，认为赛果只反映落败者以其他形式发展的前途会比入女团优胜，希望她们不要轻易放弃：“例如Emiko，虽然𠮶一回合淘汰咗佢，但系我个人认为，现阶段佢做一个solo歌手会著数过入女团，因为女团入面有其他成员跳舞叻啲，对比之下大家有机会觉得佢比较逊色。如果佢系一个sell靓声嘅歌手，可能佢会好突出，所以大家将来都会有唔同嘅路。”
全民造星IV︱靓声Emiko惨遭无情淘汰 陈辉阳批B1组似夜总会表演
点击下图观看Ash“执包袱”情况：