星光熠熠｜詹天文与钟柔美掉乱咪 首场新歌即遇意外感失望
撰文： 刘传谦
出版：更新：
《星光熠熠耀保良》今晚（27/11）在红馆举行，炎明熹（Gigi）、姚焯菲（Chantel）、钟柔美（Yumi）和詹天文（Windy）以组合After Class名义登场，首度现场演唱新歌《要为今日回忆》。
这队新女团在表演后接受《香港01》访问，Windy透露表演时遇到意外，对自己表现感到失望：“我同Yumi支咪掉乱咗，变咗我个耳机听到佢把声，但系听唔到自己把声。我都有试过除耳机听台mon，但系真系delay咗好多，所以第一次唱live嘅表现冇咁好，有啲失望。”在旁的Yumi也安慰对方：“呢个都系一个过程，我自己都唔系好满意今晚表现，不过我都会试下处理返成件事，唔想因为咁影响咗成个表演，希望下次我哋可以做好啲。唔使失望，OK嘅！”Chantel和Gigi都承认今次唱live准备匆忙，虽然有意外，但表现仍可接受。
问到“叱咤乐坛我最喜爱的女歌手”投票中，曾经跻身15强的Gigi和Chantel都无缘晋级，二人都不感到失望。Chantel认为：“真系仲有其他歌手嘅，我觉得自己都未去到一个值得攞奖嘅位置。”而Gigi则直言：“都冇话失望唔失望嘅，因为我对呢方面都系顺其自然。”四人虽然都有留意战况，但她们都没有互相投票。