姚焯菲被爸爸督促睇书　炎明熹食药纾缓压力：中西合壁！

炎明熹、姚焯菲成为《声梦维港Party Together演唱会2022》的表演嘉宾，她们今日（28/11）记者会时，就表示对是次表演感到兴奋。姚焯菲接受《香港01》访问时说：“希望可以用返晒上次学过嘅嘢。”

对比上一次演唱会，今次场地人数上都要多了起码10倍，会否担心到时甩嘴、走音？姚焯菲回答：“都惊惊哋，但系我觉得练习就OK㗎啦，要努力加油！”炎明熹：“唱错歌词都系每一个表演者会经历嘅事，最紧要享受个表演，同埋观众享受个表演就可以。”

问起她们最近的学业状况，姚焯菲就表示测验已完成了，只剩余考试：“仲有一个要睇书嘅阅读报告，所以最近就努力睇紧书。”爸爸有没有督促？她回答：“屋企人有提我唔好挂住唱歌同玩，要睇书，唔！我有听话㗎，所以今日就喺度睇书。”

炎明熹说：“我就考完试测完验，而家冇咁多工作量，但系就要专心上堂。”身体状态如何？她说：“好咗好多啦，中西合壁！（食药？）有。医生话有啲嘢主要嚟自压力，而家冇乜事，因为我会揾一啲方法去纾缓，除咗有少少感冒同肚仔唔系几好之外，其他都冇乜嘢。有药丸啦，仲有𠮶啲水（中药），所以就系中西合壁。”她表示只是吃一些感冒药、肠胃药、止痛药一类药物。家人有没有担心工作太多？她回答：“佢哋会问有冇事，姑丈、姑妈会做好多嘢，特别关心我起居。”