我在｜Nowhere Boys做独立乐队自资出歌：要谂方法点样揾呢笔资金

无线（TVB）音乐节目《劲歌金曲》周二（16日）进行录影，独立乐队Nowhere Boys携新歌《我在》踏上舞台，月初才开完三场演唱会的5子直言心情尚未平复，主音Van（陈维诺）表示还在记挂着Rundown皆因演唱会有个特别安排：“因为有个小剧场系Ken（林宇翔）为咗揾一支绝世结他而踏上冒险之旅，现场嘅观众就会帮佢拣路向同选择，继而解锁唔同歌单，所以三场嘅故事都唔同，要预多一倍歌做准备，好特别、同观众玩得好开心，我相信香港应该冇人做过呢件事。”Ken更笑言：“每晚都不断玩死自己。”

谈起Nowhere Boys的新歌《我在》除了为音乐会主题，“记住那些晚／记住了别心淡／朴实和任性／纯白而自我／力抗荒诞”等歌词带来慰藉，Van指歌曲回归简单：“我哋之前做好多歌都比较天马行空，或者卖弄好疯狂嘅编曲；但我哋啱啱变成独立乐队、世界发生好多事都令我哋想Back to basic，无论系写歌、编曲都想纯粹啲、回归初心，系Band仔喺Band房夹Band嘻嘻哈哈，感觉唔需要谂好多嘢嘅纯粹音乐。”

点击图辑睇《我在》MV：

Nowhere Boys今年与冯颖琪（Vicky）主理的Frenzi Music完约，自立门户化身独立乐队，Van坦承去年演唱会结束后已经萌生去意：“不如试下自己行，学下建立自己乐队嘅Brand，除咗识玩音乐，都想试下自己录音、自己监制、行台宣传，成立公司半年学咗好多。”

至于在香港做独立乐队的难处，Van就表示：“我觉得最难系投放嘅时间，时间就同金钱挂勾，每出一首歌、拍MV都系钱，首先要谂方法点样揾到呢笔资金，先可以做得专业啲，有公司同冇公司嘅分别就系有资源同冇资源，我哋一班兄弟都会出唔同骚，Livehouse、酒吧都系筹钱嘅活动，粉丝都会好踊跃买飞支持，可能两三场骚就录到一首歌，之前开音乐会都叻仔赚到少少钱，应该可以录多一两首歌。”