《劲歌金曲》Cut剩5分钟引乐迷哄动 Eric Kwok：咁关心系好事嚟
撰文： 叶诗
出版：更新：
无线（TVB）音乐节目《劲歌金曲》周二（16日）进行录影，三位主持Eric Kwok（郭伟亮）、糖妹（黄山怡）和Oscar（涂毓麟）齐齐亮相，谈起节目从一小时被减至5分钟，更被调离9时半的黄金时段，对于糖妹日前表示在台庆后才会看到长版《劲歌》，她就指意思被曲解：“我系话等紧通知，时间短咗系因为台庆好多节目，所以节目暂时短咗，呢个系暂时性，我哋都未知最新安排。”至于节目改版一说，Eric Kwok亦表示尚未知情：“不过好开心大家咁关心呢个节目嘅时间，其实我哋都好期待嚟紧嘅新谂法，但冇人会比祖蓝同奖门人（曾志伟）更加紧张呢个节目嘅方向，可能畀啲时间我哋再深思熟虑点样可以令件事再好睇啲。”
《劲歌金曲》时长被减至5分钟引来观众不少回响，问起会否觉得还有不少观众关心乐坛，Eric Kwok笑指：“非常好！从来都未试过咁多人关心乐坛，听闻乐坛俾人话死咗好多年，而家大家咁关心节目同乐坛系好事。”Eric Kwok又认同乐坛变得更有生气：“有好多好年青嘅歌手出嚟；好多年香港都冇听电子音乐、或者重Beat啲嘅音乐，而家成个气候带起晒，其实我等咗呢年等咗好耐。”属乐坛新秀的Oscar亦认同现时对新人而言有更多空间：“而家大众对音乐接受嘅程度唔同咗，类型都多咗好多，今集内容有Country（乡村）、Band有口琴都系少见，所以件事系正嘅。”Eric Kwok认同指：“而家年青人听音乐系愈来愈广泛，变咗我哋做音乐都可以试唔同类型，所以好开心。”