【专访】陈辉阳称香港乐迷曾讨厌广东歌：00后会连陈奕迅都唔识

在上集专访，陈辉阳提到将在6月25日与28人组成的“女声合唱”进军红馆，举行第3个作品音乐会《人来人往》，亦是“圣少三部曲”最终章。门票在上周四（3/6）开售，不足半日已经售罄，反应相当热烈。
在交流的过程中，辉阳也分享自己对现今乐坛的看法。记得他在5年前曾心碎表示“乐坛已死由林峰拎金曲金奖开始”，而在ViuTV选秀节目《全民造星》后，男团MIRROR和ERROR相继在2018年末出道，他视之为乐坛起死回生的时刻，更指：“我觉得喺2019年之前，香港人系讨厌广东歌，开始连陈奕迅系边个都唔识。”
摄影：陈顺祯

【专访】陈辉阳预告红馆骚成女声合唱最终回：任何创作要有好结尾

MIRROR助重建乐坛气候

近年乐迷开始更愿意接受新声音，除了从主流媒体认识乐坛新血外，亦开始试听部份独立歌手或乐队的作品。辉阳始终认为，在鼓励乐迷认识地下音乐人前，首先要令他们接受主流乐坛：“最好就系好大路嘅歌手可以生存到，原因系要佢哋生存到，小众先可以留低，其实点都唔会调返转话小众嘅可以生存到，大路嘅反而有危机。”他更以MIRROR和ERROR的出现为例子，印证香港乐坛正在起死回生：“佢哋令到成件事重新受注目，令到所有人有兴趣再返入嚟呢个音乐圈，就系咁简单。但系之前系死咗好多年，我之前都讲过，2011年林峰攞TVB‘金曲金奖’，其实香港乐坛之死、没落，就系由呢一刻开始。”

辉阳认为，MIRROR的出现之所以令乐坛再度兴起，不只因为他们引发的新一股偶像风气，更是因为他们令整个业界重现昔日气候：“适当嘅气候系好重要，你冇咗呢个气候就冇得玩，任何一行都系咁。我唔系要开始谈论佢哋好定唔好，而系我哋确实已经有好多年冇咗呢种气候，讲紧系以年代计算，10年以上，至于当中边个喺入面玩得叻啲，我觉得要去返‘兄弟爬山’理论。”

称香港乐迷曾讨厌广东歌

辉阳直言乐迷在听歌取态上有著明显差别，更以“讨厌”来形容听众对广东歌的态度：“佢哋完全唔想知，或者对广东歌完全冇兴趣，因为啲人全部走晒去听K-Pop，甚至乎连陈奕迅都唔识。我唔系同你讲笑，00后嘅人真系会连陈奕迅都唔识，我就系曾经认识过呢啲人，𠮶阵我仲懒型咁同佢讲，话自己写过歌畀陈奕迅，点知佢哋话‘Who is he？’，仲要一定系讲英文嘅。”

说起新一代乐迷甚至连“四大天王”、梅艳芳、张国荣等一代乐坛巨星都不认识，辉阳认为这与不同年代的流行元素有关：“我觉得又冇所谓嘅，因为‘流行曲’最重要嘅唔系歌，而系流行，所以佢哋唔识以前嘅歌，我觉得都唔重要。”不过吴林峰《乐坛已死》中“这乜水／怎么可唱出／垃圾金句”，不但写出部份听众的取态，更交代著辉阳所指，香港乐迷讨厌广东歌的原因：“喺2019年之前，大家唔钟意广东歌嘅地步系，佢哋会唔识同年龄层出道嘅歌手，亦都讲到明‘唔想知’。呢个唔系讲紧一个年龄层嘅问题，好多人都会谂‘𠮶啲四、五十岁嘅老嘢梗系唔识啦’，而我讲紧系处于同一个年龄层嘅听众都唔识。”

辉阳续指，这个正好反映当时的社会现象：“呢个问题唔系出自乐坛，而系社会问题。其实流行曲有趣嘅地方系，佢反映紧一个社会嘅状况，所以我系理解。冇所谓嘅，我觉得总有一日会改变，依家咪改变紧啰！”