【专访】陈辉阳预告红馆骚成女声合唱最终回：任何创作要有好结尾
陈辉阳在2016年起与28人组成的“女声合唱”合作，将自己经典重新编曲后，先后举行过《少女的祈祷》和《上一次流泪》两场作品展，不过在筹备“圣少三部曲”最终章《人来人往》时却困难重重。疫情下，原定上年情人节举行的演出被迫三度延期，最后定于6月25日举行，场地亦由旺角麦花臣变成红馆，对于团队而言当然是惊喜万分，正如宣传海报所写：“红馆，有今生无来世！”
能进军红馆固然值得高兴，但辉阳坦言背后忧心一万倍，因为所有筹备功夫要从头开始。他承认自己要到最后一刻，才能向支持者宣布这个好消息：“其实讲紧红馆呢个新嘅演出，我要先确定呢个对观众嚟讲会系一个非常好嘅演出，我先会开始筹备，我一向都系咁谂。如果我真系谂唔掂，成件事根本未准备好，我系唔会对外公布。”整个舞台设计中，最重要的当然是故事中出现的一座桥，在改往更大场馆举行时，辉阳又会想到如何变阵？
撰文：刘传谦
摄影：陈顺祯
作品展主题源自歌曲创作故事
《人来人往》是陈奕迅在2002年的作品，陈辉阳在构思作品展故事期间，脑海中一直出现同一座桥，他后来想到在创作期间，每次在家中都会看著那座桥，也同时想到要以“人来人往”作为主题：“今次演出就系关于𠮶座桥，喺桥上面女声合唱所发生嘅嘢，系一段关于28个女仔嘅友情故事。所以好简单，最初喺麦花臣已经整好咗座桥，系长方形嘅，但系我谂去到红馆已经唔得。”
辉阳再解释，当时想给红馆观众一个新鲜感：“佢唔系真系唔得，但系我会觉得大家已经见过晒。我记得好多演唱会都系咁，只要喺个台度打斜角咁起咪有座桥，但系我唔想啲人‘见’到，所以谂住起一座圆形嘅桥。我谂你都会觉得好诧异，我就系想试下呢啲具挑战嘅事。”
说到新鲜感，就不得不提选曲及编曲上的心思。除了《人来人往》外，辉阳曾透露许志安与车婉婉合唱《回过去的》亦是故事中不可或缺的其中一首歌。而编曲上，他透露曾收到观众反映，指作品展的概念与一般演唱会不同，会不自觉地为台下乐迷制造共鸣：“佢哋成日都会咁讲，你嚟睇呢个骚唔系净系一个音乐会咁简单，你系认识紧自己。我会形容呢个系‘去中心化’嘅演出，其实我哋唔系一个有偶像喺度，即系平时会因为佢喺度，所以会特登嚟听佢，但系我哋唔会系咁。而你一路听紧嘅时候就会发现，其实系讲紧你自己嘅故仔，同我表达出嚟嘅事，两者系会有连系，𠮶种微妙嘅关系就系喺呢度。”
羡慕张敬轩开红馆个唱
不只陈辉阳和女声合唱，在疫情下每个音乐单位要举办公开演出可谓困难重重，访问中辉阳也谈及三度延期的经过。《人来人往》最初定于上年情人节及翌日（14-15/2）在旺角麦花臣场馆举行，虽然当时制作团队依然保持乐观心态，但辉阳在朋友提醒后，已经认为凶多吉少：“所有人都觉得𠮶阵系开到，大家只要戴住口罩就可以睇骚，但系我已经觉得冇可能。我最记得有朋友12月中已经提过我，觉得有机会开唔到，我好记得2月开始情况急转直下，香港系连口罩都冇，但系佢哋都觉得系可以嘅，冇人肯取消。我仲同佢哋讲要快啲延期，因为愈早宣布就愈可以快啲攞到个好嘅期。”
其后团队曾先后宣布在2020年10月和2021年2月再举行，无奈再度因疫情而延期。说到这里，辉阳也不禁说：“呢段时间最好彩嘅系张敬轩，佢开咗红馆之后又再闩过，我哋又开唔到。”后来团队主动提议申请红馆档期，他坦言事前打定输数：“我觉得我系唔会申请到，其实照道理系要有一粒好大嘅星先会申请到，所以佢哋问起𠮶时，我话攞到就做，完全系抱住平常心，点知真系攞到，咁咪搬过去做。”
庆幸女声合唱五年合作没是非缠身
不经不觉，辉阳与女声合作已经合作5年，期间除了秦馨敏（Emily）外，近年也有陈乐颐（阿左）、潘钊彤（Denith）等成员开始作个人发展。加上28位成员来自五湖四海，他笑言当遇到疑难杂症，总有一位队员可以拔刀相助：“其实女声合唱好有才华，医生、律师乜都有，其实已经系一个小社区。”上年阿左参加《全民造星III》，虽然辉阳没有仔细观看每个演出，但也会从成员口中关心她的情况：“我记得有次睇完片问阿左喺边，佢哋话阿左出咗局，𠮶下即刻问佢会唔会再返嚟唱，佢即刻话‘返！点会唔返呀？’（有担心过？）唔系，每个人嘅去留都有自己嘅意愿，佢肯继续返嚟唱，我当然无任欢迎。”
想到女声合唱由28名女生组成，外界难免会想到，成员之间或许会有不和、小圈子等是非。不过辉阳却从未遇过，更笑指：“呢个问题都有女仔同我讲过，话‘我哋冇呢啲嘢，你都好彩啦！’我唯有多谢佢啦，但系我觉得佢哋真系每个成员之间都可以照顾自己，其实我系冇办法处理，因为唔系排练嘅时候，我日常生活系唔会揾佢哋。”不过他也承认，成员间的友谊或许会不一样：“现实系一个人冇可能会同咁多成员都系咁好朋友，开个玩笑，YOLO（ViuTV剧集《YOLO的练习曲》所出现的女团）得廿个，其实我哋嘅人数都多过佢哋啦，但系都冇呢啲嘢。再加埋唔系所有人都做紧娱乐圈，呢样嘢已经好唔同。”
女声合唱或于红馆划上完美句号
谈及未来发展方向，陈辉阳指自己已经不停构思新的音乐企划，但在演唱会完结后，他将与小肥（徐志勇）一同宣传其翻唱专辑：“呢个系我其中一个最有趣嘅计划，因为平时我系唔会编人哋嘅歌，只系会做自己嘅歌。我将佢叫做《Modern Classic 2010-2020》，从2010年到2020年揾十几首有代表性嘅歌，当中都会有一首新歌。”
不过辉阳坦言《人来人往》或会是女声合唱最后一次演出，背后与其创作理念有关：“我做任何创作都需要三样嘢：好嘅开始，好嘅过程，好嘅结尾。每一次筹备一个演唱会都系咁，我已经摆脱咗以前写歌𠮶种，听日要交歌，依家喺钢琴求其弹啲嘢嘅模式。”当然，他也希望再有合作空间：“《人来人往》呢个表演都系最后一刻去到场馆嘅时候先谂到可以搞，或者今次到最后一刻又会谂到点做呢！不过喺红馆搞呢个作品展，可以话系一个好好嘅结尾。”