【我不怕唱歌】恶搞王原来好唱得 王祖蓝：把声好温柔
《我不怕唱歌》终于有首位男声，与他同样走搞笑路线的王祖蓝拿着电话，听了几秒就认得他的声音，“好温柔啊把声，估唔到除咗搞笑一面，仲有咁深情嘅歌声。”不过，祖蓝再听了几秒，续说，“唔好预卖到碟...”妈啊，好乱啊，到底系好听定唔好听？
他曾于美国修读戏剧，毕业后回港发展，参加大台斗靓节目入行，而不为人知的是，他曾经做过DJ，又参加过新秀歌唱比赛，入行五年做过千千万万个角色，不过多数是“路人甲”，认得他的样子，但未必叫得出名字，直至近期他灵机一触挥下“神来之笔”恶搞网络神曲，令大众重新认识他。
“曾经在纽约做过两个月DJ，有主持清淡节目同音乐节目，但做得唔长，因为当时合约问题，而且，我好想返香港参加新秀比赛。”参加比赛无疑是香港娱乐圏其中一个最直接的入行方法，无论是电视台的选美节目、唱片公司的选秀比赛，够话题性的话，未入行就已经可以令人记得你。
搞笑天分亦令他在新秀中相当突出，之不过，要评判记得你方法有二，一是你的实力非常极端（太好或太差），二是你实在太与别不同，“我喺美国学亲都系Opera个啲，流行曲个啲声我就唔识嘅，唔啱个市场，我记得我拣咗梁汉文个首《断了气》，唱到‘断了气’啊真系，𠮶首歌好dramatics嘅，个时我用咗好多舞台嘢出嚟唱，吴雨大哥、Mani（霍汶希）都有睇，去参加比赛会mark个星星位你企，我特登企到去贴墙，大哥仲叫我过嚟。”
再接再厉 卷土重来
即使因为新秀有个稍为崩溃的经历，自认“机会主义者”的他未有放弃，待在香港话剧团3年后，他又再接再厉，今次更双管齐下，一次过报了《香港先生》和《超级巨星3》两个比赛，“因为好想做影视工作，所以就净系参加咗依个，个时都有报《超级巨星3》，但因为个时港男入咗围，巨声再打嚟叫我面试，咁我就话已经参加咗你哋另一个比赛喇！”
港男的舞台同时亦满足了他两个愿望，因为才艺表演的部分，他表演了自己非常热爱的唱歌，“当时都唱了今次专访唱嘅《为你祝愿》，我仲度咗个分半钟演出，有Rap、弹琴、扮鬼扮马，咩都出齐㗎喇，好用心准备。”
问到Derek在二选一的挣扎中，为何弃巨声选了港男？他想了想说到，“我钟意唱歌，但我知我唱功未劲到一唱就攞硬冠军，我唔系个啲级数我自己知，港男系挑战嚟嘅，参加都挣扎咗好耐，不嬲冇谂住要Show身材同埋着住三角裤喺电视上面出现。”
虽然选港男令Derek进入梦寐以求的影视行业，但他亦坦言加入TVB后，长期拍剧做行行企企的角色的确有心灰意冷的时间，“但我从来都冇谂过要放弃，因为太钟意做依行，反而好多人叫我做吓Part-time、搞吓自己生意、做吓保险，但我都冇做，因为唔想影响系TVB嘅工作，当然都挣扎过，会觉得点解冇人见到我想搞笑呢？”
而恶搞《PPAP》后，Derek终于朝着搞笑戏路走近一步，“片出左之后有个导演开戏，由徐天佑做主角，要揾个中学同学叫肥波，睇完我段片就揾左我喇，我做肥仔角色都OK，最开心系畀人见到我钟意做喜剧，搞笑的一面。”
“我钟意唱歌，但我知我唱功未劲到一唱就攞硬冠军，我唔系个啲级数我自己知。”
问到Derek比较想在音乐还是演戏上发展？他自言一直都比较贪心，想两样野都要，不过又会因为样样都想要已无法专注做好其中一样，“结果可能会周身刀冇张利，好多人叫我喺TVB畀心机啲做戏，好似倒一杯水，你满咗就会流出嚟喇，就唔会每杯得啲啲，森美同Bob佢哋就系电台出色，再去发展电视电影。”
回到文章的开始，祖蓝到底为何狠心叫Derek“唔好预卖到碟”？其实不是祖蓝黑心，只是他深明全世界的大趋势已不再专注于唱片，反而鼓励Derek，“如果有佢做吓网络歌手都可以谂吓，有乜就做乜喇，唔好放过任何机会，依家唔够食㗎吗，除左恶搞《PPAP》仲有好多嘢可以做㗎！”
摄影：潘思颖
发型：Deep Yu @Beijing Hair Culture
化妆：Alfred @Seven sense
服装：HALFBEAT