【我不怕唱歌】 电台DJ原来系靓声王　黄宗泽惊叹：佢唱歌咁好听

《我不怕唱歌》来到第5集，今次请来一位前新城女DJ，她唱了梁文音《我不是你想像那么勇敢》和JW《矛盾一生》两首高难度歌曲，黄宗泽听了便说：“不如叫佢出碟啦。”郑俊弘亦激赞：“把声好清有力，技术好，唱到高音识用力，唔会唱得辛苦，希望可以同佢合作。”许廷铿更说：“唱得好㖞！我问下老板签唔签佢！”三位对她有高度评价，但她一直没机会唱歌，为了当歌手她试过参加过百个歌唱比赛，亦试过主动向唱片公司敲门，但全部碰壁，更被闹得体无完肤，金培达、陈少琪叫她学多10堂唱歌才再来，有人嫌她样子不吸引，甚至太肥，更有人叫她拿30万出来才捧她当歌手……她只有暂把唱歌放在一边，等到有经济能力，她再次追梦。

场地：Singing Square 香港流行歌唱训练中心

键琴手：Hidy Lo

发型：Roy Chow

首饰：JEES

她是玛姬（张卓贤），前新城DJ，主持过《3G21》、《娱乐旗舰店》、《越夜越音乐》等，从小就喜欢唱歌，她说：“我真系好钟意，由细个已经知道出咗事，第一首识唱嘅系张学友《太阳星辰》，我直头跳出嚟，熄咗爸爸妈妈睇紧嘅电视，跳上梳化顶当台，迫佢哋听我唱歌，由中学开始参加歌唱比赛，肯定超过100个。”

05年21岁的玛姬参加了新城和Neway合办的《星途大战》歌唱比赛，当日评判有李克勤、陈慧琳和当时新城电台台长朱明锐（锐哥），玛姬只得第10名，但得到锐哥赏识，请她当DJ，入行后日日接触音乐界，要做歌手应该没有难度，但事实并非如此，她说：“当时锐哥叫我唔好再参加比赛，话同DJ身份有抵触，我又唔知点解咁听话，或者当时做DJ又好顺啦，跟住司仪工作又多，我就摆低咗唱歌呢样嘢。”

玛姬虽然没有再参加比赛，但亦有为做歌手梦努力，她说：“直头敲门问人，你有冇兴趣签我，有问过金培达、陈少琪，当时佢哋叫我上多10堂唱歌学好先嚟再揾佢哋，佢哋神级，我好多谢佢哋话我有咩问题，亦见过农夫旧唱片公司(Clot Media Division)，佢哋话我外型唔系好适合，之后佢哋签咗乐瞳，(有冇嬲签乐瞳都唔签妳？)冇，绝对冇，𠮶阵可能兴cute，当时佢哋觉得佢适合啲。被人话妳唔靓，妳唔够瘦㖞，妳好难做得起，全部听过哂。”

从小到大钟意唱歌，又敲门自荐，但赚钱对她来说更迫切，因为玛姬20岁那年爸爸离开了，顿失家庭支柱，身为独女的她向妈妈许下承诺，她说：“我会提供到同Daddy一样质素嘅生活，其实妈咪冇要求，系我要求㗎咋。”当DJ之后，她不断工作，狂接司仪骚，对妈妈承诺做到了，自己亦买楼买车，她说：“我一入咗电台，就将唱歌摆得好后，我将揾食摆前，想快啲买车、置业，我就尽快搅掂佢，做到喇，我就谂返其实我都钟意唱歌㖞。”

为重追唱歌梦，玛姬2012年自资出歌，推出了单曲〈诺贝尔爱情奖〉，但她不是为了出碟，或引唱片公司签约，她说：“呢个年代唔系为出碟，唱片只系我name card，我要自资出碟的话，我直头派俾人啦，但参加《麦王争霸》我初时无谂任何嘢，直到入咗最后49强𠮶阵，我就返嚟喇，我就谂返其实我要人知我识唱歌，因为真系无咩人知，我好想俾人知道。”

在广州举行的《麦王争霸》评判之一的张敬轩大赞她唱得好，更说她当DJ是帮歌手追梦，她说：“轩仔话每一个歌手都追紧梦，仲话我当DJ嘅时候都有一个梦，但我将个梦摆低咗，去帮其他人实现佢哋嘅梦想，轩仔仲话DJ系歌手嘅恩人，我觉得好感动。”当DJ帮人追梦，亦令玛姬明白追梦的代价，她说：“呢个乐坛唔系你唱得就可以，好多嘢需要配合，一个歌手成功，唔系靠一个人，系后面有一个好劲嘅团队去support，但香港乐坛系咁，好多歌手都唱得，但无论点唱都唱唔起，每个人就不断出歌，搏一首爆红，然后上位，我做DJ𠮶阵见到好多呢啲例子，唱到灰心，唱到无钱开饭，唱到算喇，我都系去卖保险喇。”

玛姬现时是著名的司仪，不少大公司的年度晚宴指定要她担任司仪兼唱歌，她希望更多人知道，最近更签了王祖蓝的经理人公司，但公司有林欣彤，不过玛姬自知没有得比，她说：“我只系想公司知道我好勤力，希望都帮下我，但都有林欣彤，我梗系冇得比啦，佢咁唱得，粉丝群又多，本身已经系歌手，我系老板都会推一个易啲上架啦，我好明白，所以我会自己努力先，试下自己制作歌曲，放上YouTube，希望公司有日都会推一推我。”