Chill Club︱洪嘉豪指网络负评抵销新人努力感无奈：呢个风气唔好

洪嘉豪周一（19日）出席ViuTV音乐节目《Chill Club》录影，率先演唱由本人作曲的未派台新歌《穷小子》，歌曲看似负面，洪嘉豪就说到其实歌曲带证明自己的正能量。说起创作人很多时都会将个人经历投放到歌曲中，洪嘉豪就说自己是个特例：“我奇怪啲，通常系用自己嘅情绪或者听歌去拎灵感，自己唔开心嘅时候就好容易写到唔开心嘅歌！或者上一只《曲线型恋情》就系借助朋友嘅故事。（如果写冧嘅情歌？）我都会将自己嘅经历同填词人分享，如果真系要写情歌，都唔会为咗写音乐，而特登揾个另一半㗎嘛！”

回应阿Jer遭负评一事：网民系咪都有责任？

说起早前MIRROR的成员Jer（柳应廷）的歌曲《回光物语》登上《903专业推介》冠军歌，网络红人琼姐为大众推介年度新人，却换来网民冷言冷语回复，事件引起不少回响及讨论。同为这个时代下的新人，洪嘉豪亦感同身受：“其实唔单止系新人，即使做得非常唔错嘅艺人朋友都同样会听到呢啲说话。我自己同样系一个网民，但作为网民系咪都有责任？喺街到见到一个人都唔会随便闹人，点解去到网络就可以一拳打埋去？呢样真系唔好！我哋都好努力去做，你有兴趣就睇，冇兴趣都唔紧要咪略过，有时未必需要支持、亦无必要（恶评），呢个风气唔系几好。”

乐坛核数师︱Jer柳应廷《回光物语》商台夺冠　网民泼冷水掀骂战

改变心态面对负评　“因为有啲人系特登！”

既然无法改变大环境的风气，就唯有改变自己的心态：“唔好受呢啲影响，我唔系好理啲人点讲，因为有啲人系特登（去踩低）。”网民隐藏真面目在网络说一句容易，但透过网络世界一传十、十传百，以讹传讹就变成了所有人对这个人的观感，洪嘉豪说：“努力咗唔一定要得到你赞赏，但一个人嘅观感就莫名变咗100人嘅观感，真系唯有每一次表演都做好自己！新人系难㗎，比起以前嘅年代更难，实在太多娱乐喇，唯有继续努力。”

一昧批评的风气除了影响艺人心态，随之而来甚至会影响本土文化的发展，近年很多人会说“乐坛已死”、“港产片已死”，在这之前大家又有没有去先亲身听一听、看一看？抑或只是人云亦云？