卢巧音谈疫情下几近无收入 　正筹备线上音乐会：自己同歌迷都饿

卢巧音（Candy）加盟ViuTV音乐节目《Chill Club》担任嘉宾主持，周一（19日）参与第一次录影，谈起参与主持的契机，Candy就说受节目邀请：“我谂节目组想有啲新意！”不擅言辞的Candy又表示颇为担心：“我讲嘢又唔系好叻、转数又唔系好快，其实都多谢有机会试下做主持！”

说起Candy早前与《埋班作乐》合作推出新歌《旁观他人之痛》，Candy就透露近日希望筹备线上音乐会：“因为自己都饿、歌迷又饿，所以应该做啲嘢，亦开始计划紧。”Candy又呼吁歌迷提供意见：“想听咩歌、想见到点样嘅我都可以同我讲，等我有意念去定主题或演出方式。”新冠肺炎肆虐几乎一整年，Candy就表示工作大受影响：“好少可见到咁多旧朋友，其实好开心，平时最多只系四五个人喺Band房。（收入方面？）冇乜收入㗎，唯有喺呢个时候尽量增值自己、写下歌。”

同场加映：造星Team B六子重回舞台劲兴奋　Jer抢先爆MIRROR开骚有期？