许廷铿首上ViuTV《Chill Club》　直言毫不尴尬：已经过咗𠮶个位

许廷铿Alfred今日（16/6）首度现身ViuTV《Chill Club》现场，除录制“Chill Club推介榜”冠军歌《无力感》，更有机会与偶像赵学而合唱《我们与爱的距离》。Alfred直言对推介榜为更多歌手建立新的歌曲分享平台感到欢喜，又指到访其他电视台已经不感到尴尬。

Alfred之前已经在ViuTV的慈善节目献声，但亮相《Chill Club》就是第一次。截至本周，《无力感》已经打入“Chill Club推介榜”两个星期，Alfred接受访问时率先透露《无力感》成为推介榜冠军，对乐坛出现新的龙虎榜感到欢喜：“我觉得开放多啲唔同嘅平台，无论系新人或者系做咗好多年嘅朋友都可以有多啲机会将自己嘅作品介绍畀大家。”虽然曾经是星梦旗下的歌手，Alfred却认为如今敏感时刻已经过去，坦言：“都好几年啦，坦白讲呢几年都学咗好多嘢，喺唔同嘅环境要重新去适应、学习，令自己喺唔同地方都可以发挥到自己嘅能力。”Alfred更认为节目乐手团队能帮助自己融入新环境：“其实鼓手KB（李健宏）喺我当年玩比赛嘅时候已经帮我打紧鼓，所以一啲都唔陌生，咁已经帮我融入得快咗好多。”

主持之一的赵学而曾在节目中翻唱Alfred的《我的志愿》，今个星期更与对方合唱。Alfred更化身小粉丝，明言站在偶像旁边感到十分紧张。赵学而解释时指：“歌单度有其他选择，但系我觉得自己嘅声线未必应付到某啲歌嘅风格，所以就拣咗呢首。”她表示与Alfred合唱前已经提早做好功课，笑指：“如果有足够嘅时间就可以做多啲功夫，令只歌可以带一啲新鲜感畀观众，如果好普通咁合唱就好似嘥咗个机会，因为好难得我哋呢啲老人家可以同啲小鲜肉一齐合唱。”许廷铿感谢偶像翻唱自己作品，又指对方在歌曲处理上值得自己学习：“我觉得你每一次拣嘅歌真系有谂过，唔会话因为呢只歌特别当红先试下唱。”