MIRROR新歌《IGNITED》19号见街 花姐亲自操刀拍MV
相隔7个月，男子组合MIRROR终于推出2020年首支派台作品《IGNITED》，以如此大堆头的组合来说，这个时间说快不快，但说慢也不算慢。早前12位成员更完成了MV的拍摄工作，而适逢拍摄当日是Ian生日，众人更在拍摄现场为寿星仔庆生。
今次《IGNITED》曲风有别以往《ASAP》或《Reflection》等作品，编曲走Funky路线，队长Lokman介绍新歌道：“就好似歌名一样，《IGNITED》俾人好热辣辣嘅感觉，曲风同以前好唔同，感觉较Funky，因为都想有啲新花款，所以搞的新意思，俾啲唔同感觉大家。”身为经理人的花姐，今次再重操故业，继Jer《水刑物语》后，再次为MIRROR担任MV导演，而拍摄上亦为组合带来全新概念，以360角度拍摄，不过拍摄当日一开始便发生小意外，见证人Stanley说：“我哋首次采用360舞台拍摄，好有型嘅，而我又好彩系第一个拍，但好不幸我好有型望住个镜头一眼，个Cam嘅转台就坏咗，之后摄影师要人手Keep住转个Cam先可以继续拍摄落去。”
《IGNITED》一曲除了Funky版本之外，其实另外亦有一个Remix版，拍摄MV当日，MIRROR亦需要拍摄跳舞版Video，在拍摄前Edan坦言这是一次体能上的大挑战，他说：“Funky版趣味少少，对于姜涛、Anson Lo佢哋型开嘅就困难少少，哈！Remix版感觉K-pop少少，我哋亦有拍一个Dance Version，要一镜过。上次《Reflection》跳咗廿几卅次，真系崩溃咁滞，希望今次可以快手啲。”众队员亦不负所望，最终连拍6 take，花姐便已收货。其实拍摄《IGNITED》MV当日，刚好是Ian的生日，工作人员早已偷偷为他准备生日蛋糕，在拍摄中途更与Mirror各人突袭送上惊喜，Ian发现后展露天然呆表情，十分趣怪。被问到生日愿望时，Ian诚心祝愿道：“最紧要世界和平，喺疫情之下，亦希望人人有工开，不过就早啲收工啦！”
MIRROR在2020年马不停蹄，早前更已落实举行个唱，但由于疫情关系，演唱会需要二度延期，Alton解释道：“演唱会因为受住种种因素要再延期，但我哋MIRROR希望可以把握延期嘅机会，制作更多好嘅作品，可以喺嚟紧演唱会做出更有MIRROR特色嘅演出俾大家睇，希望大家拭目以待。”有关演唱会延期事宜，将于落实后向外公布，密切留意。