谢安琪《偷情的礼仪》致敬90年代是巧合 冯颖琪：创作非为追潮流
资深作曲人冯颖琪及资深填词人周耀辉创办的“一个人一首歌”，举办《埋班作乐》招募36位本地新晋作曲、填词、编曲创作人接受培训。今日举行启动礼获一众歌手现身支持，包括：Miss Chan Chan陈洁灵、卢巧音、6号@RubberBand、布志纶、陈柏宇、陈健安、泳儿、钟舒漫及钟舒祺、汤骏业、邓小巧、小尘埃、ERROR等等。对于乐坛“青黄不接”、“乐坛已死”等批评冯颖琪斩钉截铁说：“我紧系唔认同啦！因为我自己系一份子，如果‘香港乐坛已死’，咁我咪死咗！如果我死咗又点会继续有作品出现，仲有人听我作品呢？所以呢样嘢系唔成立嘅！”冯颖琪又分享了谢安琪《偷情的礼仪》是无心插柳地向90年代致敬，《the album and the rest of it ...》变成一个复刻计划也是一个微妙的巧合。
香港乐坛已死？ 冯颖琪：呢样嘢唔成立！
《埋班作乐》计划志在培育新一代音乐人，并担任与大众沟通的桥梁，展示新一代本地音乐的面貌。对于大众不了解，并批评“香港乐坛已死”，冯颖琪斩钉截铁地否定：“我紧系唔认同啦！因为我自己系一份子，几年前有人话‘香港乐坛已死’，咁我咪即系死咗！如果我死咗又点会继续有作品出现，仲有人听我作品呢？所以呢样嘢系唔成立嘅！”
她与周耀辉合作发起《埋班作乐》，因为二人价值观相近，钟意问“点解”：“我同耀辉嘅价值观好似，系要问‘点解唔做’，而唔系纯粹跟从。我哋喺度检视呢个乐坛争啲咩，唔系净系讲企最前嘅歌手，而系成个工业由创作而起。做咗咁多年创作人我觉得，当啱嘅歌手同啱嘅创作团队，火花系咁样嚟，并非一个人嘅功劳。”所以今次《埋班作乐》集合跨世代的歌手及音乐人，最年轻的是2000年出世，希望勇敢地为乐坛带来新气象。
音乐工业不应只得一种模式创作 冯颖琪：咁永远都系跟随别人步伐
身为作曲人，冯颖琪对音乐工业的做法有自己的见解，她亦希望令行业更多元化，她提出：“入行咁多年，好多时唱片公司话要首点嘅歌，然后畀个reference你参考，其实我接受嘅，因为工业有工业嘅模式。但呢个只系其中一个模式，如果系全部都系咁，即系我永远都系跟紧人嘅步伐，有冇我哋本地元素可以放入去呢？”
有见及此，《埋班作乐》集中创作广东歌词，因为广东话就是代表本土文化，同时提供空间予新晋音乐人大胆创作。
欧美、香港写歌方式大不同：广东歌旋律更细腻！
冯颖琪又提到，香港、亚洲各地以及欧美的作曲人思维很不一样，广东话的九声虽令创作难度增加，但同时亦最独特。她解释：“最明显就系广东话有九声，扭好少音都会变成另一个字，所以香港人创作旋律会密集啲、细腻啲；比起欧美，佢哋可能好groovy(律动感重)，或者同一个字可以拉好多个音，但系广东话就唔可以，如果咁做好可能会变成粤曲。”香港音乐人可做的是，融合本地思想以及外国进步的科技，结合成新一代本地音乐。
《偷情的礼仪》致敬90年代系无心插柳：冇同Juno夹过㗎！
谢安琪日前在“十大中文金曲”上夺最优秀女歌手，她提到：“令自己心跳冒汗的创作才能触碰人心。”原来冯颖琪也是同路人：“其实我就系一个咁嘅创作人，真系会搞到自己心跳冒汗！对我嚟讲，我钟意做到系突然间挑起情绪，令人毛管戙一下；或者令听众留耳仔好似有啲嘢发生，但分析唔到系乜，有时听众就系需要呢种刺激。有时一粒音嘅改变，或者节奏上转变已经做咗。”
冯颖琪又提到，虽与谢安琪相识多时，以往却未曾正式合作过，所以今次合作交出一些很想谢安琪演绎的作品。不过，事前未有与麦浚龙夹定，可谓偶然遇上的惊喜。她说：“Juno以前畀方向我系讲到好仔细，例如要‘死唔断气’、‘唱唔到’，但今次佢系叫我放心写。事前完全冇夹过，我亦唔知佢哋最后会做一个90年代嘅企划，都唔知系咪因为有我嘅投入令佢呢个想法，创意就系咁有趣，可能系互相带动一啲嘢。”
点击睇更多谢安琪靓相！(按图放大)(资料图片)
创作人并非为追潮流而创作：旋律系冇时间性
冯颖琪分享自己创作的心声，她很想写歌给一些在她成长的年代的前辈女歌手，虽然现时未写到，但可以将那份歌曲中的气质放到现时的作品之中。她说：“好多人问我《偷情的礼仪》系咪十几年前写㗎，我话唔系；反而写畀安仔(陈健安)嘅《在错误的宇宙寻找爱》就系十几年前写定，好多人都估唔到。所以，创作人脑海入面，旋律系冇时间性，我哋唔系为咗追潮流去创作，而系为咗记录𠮶一刻嘅我。”