【谢安琪演唱会】乐迷批评个唱被“Juno化”　Kay：我一早预期咗

谢安琪《kay...isn't me. Live 2019》红馆演唱会完成尾场演出，今次的红馆骚有别于以往流行歌手的演出手法，甚至是以往谢安琪自身的任何一个演出。故此，面对如此大的转变，或许不少乐迷也未能一时三刻完全适应。不过对Kay和Juno来说，这次演出也是一次很突破的体验，到底乐迷的接受能力有多高？香港观众又是否能被教育？对演出及创作者也是一个相当重要的课题。就著今次的演唱会引起各方讨论，《01众乐迷》在今次演出完成后，也特意询问一下，到底谢安琪是如何看待今次乐迷的反应。
摄影：叶志明

谢安琪骚后接受《01众乐迷》访问，被问到有网民形容今次演出“Juno化”，颠覆传统红馆骚的表演形式，其实是否想带领观众进入一个欣赏演唱会的新领域？她表示：“其实决定要咁样演出𠮶个系我嚟嘅，亦先张扬咗系一个同Juno、同埋团队嘅集体创作，我哋两个系同样重要。要磨合佢对美学嘅追求，同埋我自己编曲上嘅追求，我有我好想表达嘅内容，系好唔容易。如果话好‘Juno化’，我觉得未免太表面睇呢件事，其实里面嘅内容比呢个评论深入好多，同埋喺好Juno色调之下，大家睇到嘅系我前所未有嘅胆识。”

谢安琪亦表示，非常满意今次演唱会视觉与音乐揉合的效果，自己表演时享受与舞台紧扣的感觉。但见网上反应两极，会否与她的想像有落差？她表示一早已做好心理准备：“我一早决定要咁做嘅时候已经预期咗，其实每个歌手决定离开自己嘅舒适区都要冒险，冒险包括接受批评。我觉得我今次心理质素提高咗好多，经历咗好长嘅筹备阶段，我对面对唔同嘅声音已经准备好。”她续说：“令我惊喜嘅系，会打开个心去感受演出嘅人比我预期多。其实我每晚演出完，都好想睇大家嘅留言，我觉得好刺激，每晚都睇到半夜4、5点先瞓，呢啲好真实嘅回应都好宝贵。”

演唱会rundown由谢安琪自己设计，最尾三首歌是《年度之歌》、《彳亍》再到《773312》，是否意味著告诉乐迷以往的谢安琪要“彳亍”到新阶段？她解释：“其实整个演出是阅读自己，探索人生嘅旅程。由《畸》开始，一个畸型，自己都接受唔到嘅自己，展开一个旅程。最后想讲，我哋嘅人生由一呼一吸开始，所以演唱会嘅系由呼吸声开始，身无一物来到，到最后都系回归大自然，每个经历都系独一无二。”她续说：“同埋想俾一个祝福大家，因为我哋人生仲未完，希望大家有力量左踏一步，右踏一步向前行，就系‘彳亍’嘅意思。”她又剧透董折与浦铭心的故事将于今年内完结，《773312》预告她将有新的音乐企划，将收录于下一张专辑。