【菊梓乔演唱会】周柏豪现身诉心声　赞Hana深情又得Rock又得

菊梓乔（Hana）《只想与你在一起》演唱会中场后感动情氛更显浓烈，除了自己作品外，她也在段落之间分享了自己从奋斗时开始的心路历程，还有陪伴她走过的歌，她想成为歌手的决心甚至感动到侧田，愿意百忙之中特别从外地飞回港做嘉宾，与她合唱当年陪她坚守梦想撑下去的《命硬》。在歌迷以后嘉宾环节已结束后，谁知道周柏豪突然走上舞台，让台下全都惊喜万分，而台上的Hana则向他投以感激的眼神。

合唱《一事无成》后，Hana在拥抱后对周柏豪说：“周柏豪你好好呀！你除咗有钱、靓仔、有才华同锡老婆之外，仲好有义气，你嚟咗两晚喇，你咁咁忙都仲嚟足两晚，畀啲掌声周柏豪！”他轻拍她肩以示安慰后，便和歌迷分享与Hana的相识经过：“Hana未入行嘅时候，我喺一个rock show认识佢，𠮶阵时就见识到所谓“麻雀虽小，五脏俱全”，我讲嘅系佢嘅声音，睇落去好似好瘦又娇滴滴咁，但系又可以rock啦，又可以唱一啲大家成日都可以听到好hit嘅深情歌，所以Hana嘅可塑性好高嘅！所以好替你高兴，我哋都算系识于微时！”细诉心声后，周柏豪便在Hana换装时为歌迷带来《传闻》。

平日自称手脚严重不协调的Hana在演唱会前特别苦练舞蹈，就为了带给歌迷更精彩的演出，换上黄色小洋装的她特别挑选了两位天后的作品，分别是容祖儿的《隆重登场》和郑秀文的《Chotto等等》，虽然只配上简单的舞蹈动作，但看起来也有板有眼！

“多谢你哋陪我实现梦想！我开心嘅时候钟意听旋律，唔开心𠮶阵钟意听歌词，多谢歌曲令到我感觉活着！多谢你哋发生咩事都嚟呢度陪住我，我都唔知道我喺边度修嚟嘅福气，由细到大都好少可以感觉到有咁多爱，好多时我成日都会觉得自己一个，多谢你哋今晚会拣嚟呢度！”Hana眼泛泪光的剖白心声，说到激动处更流下眼泪，让歌迷在台下高呼：“唔好喊！我爱你！加油Hana！”为了可以留下重要的一刻，Hana要求歌迷打开电话灯光，一起留下合照后，便奏下音乐，唱出演唱会最后一首歌《一辈子守候》：“好多人都系因为呢首歌而认识我，呢首歌改变咗我一生，希望大家都可以好似呢首歌一样，一辈子守候自己钟意嘅人。”

作为一个歌手，当然希望可以在一个容纳到更多歌迷的舞台唱歌，Hana也不例外，但却一直清楚自己的目标：“我做歌手嘅目标就系想透过音乐，去令歌手坚定自己去追梦，而唔系想点样，所以买楼𠮶啲系唔关我事。我希望同歌迷讲，我挨到，你哋都挨到，因为我系一个输在起跑线嘅人，我咩都唔好，年纪又大、又唔靓、四肢又唔协调，但人生系只要你肯努力，揾到自己嘅梦想，就咩都唔会再怕！”更表示自己不太喜欢写情歌，反而用歌唱出人生哲理，亦将会推出一首她创作的以“人生、渺少和珍惜”为题材的新歌。

被问到有关头场星梦被轰妄顾歌迷安全时，Hana直言不介意歌迷能否出席，只在意他们的安全：“我寻晚我知道我公司同事，已经用尽所有办法去确保我哋观众嘅安全，都准备咗巴士、退票，你嚟唔嚟唔紧要，最紧要你安全，呢个系我哋最需要做嘅事情。”对于歌迷希望能改期再唱，她则表示：“改期再唱都有好多因素喺里面，唔系一个人决定嘅事情，亦都唔系我去决定嘅事情，我希望大家系安全，呢个系最最…最重要，其他都唔重要，咁我都好开心好感恩，大家都嚟到呢一度，大家都安全，呢个系我觉得最幸福嘅事！”