【容祖儿演唱会】黎明现身Joey跪地　《傻痴痴》背后有段尴尬事？

容祖儿《Pretty Crazy》红馆演唱会今晚举行尾场，虽然Joey连日来只得一天假期，但去到压轴一场当然去到尽，毫不留力展示天后风范。以《空港》打头阵，然后到medley《Show Up!》、《好事多为》、《逃》、《美丽在望》加《隆重登场》，炒热全场气氛。台上台下都去到尽，Joey形容观众的尖叫声如雷贯耳，嗌到拆天。她又话要充当大家的奶妈，为大家充电。
摄影：叶志明

Joey换上一袭桃红色长裙唱出《再见我的初恋》，高呼：“你哋嘅少女时代返嚟喇！”唱到一半全场尖叫，就连Joey都话：“你哋知唔知咩系如雷贯耳呀？嗌到拆天咁呀！小心听日失声呀！我就话唔惊啫！畀我唱埋先。你哋嗌到我三魂唔见七魄！”接著唱出《天之娇女》。Joey又讲到：“今晚你哋将红馆以外嘅情绪摆低先，如果你哋系iPhone，我就系你哋奶妈帮你叉爆电！”

Joey打完招呼后唱出《逃避你》，本应要返回后台换战衣，岂料她突然说：“今晚卖大包呀！行出嚟唱多首好唔好呀？”全场叫好和应，Joey再说：“你哋话唔好我都唔制啦！”作为尾场演出，今晚本来订好的歌单也临时改变了不少，祖儿心情好，入场乐迷当然有福。

黎明出场前，Joey向观众说：“今晚我帮大家揾咗好多青春系咪呀？以下呢段时间系我嘅！大家唔好同我争呀！我喺核心嘅外围等佢喺核心嘅内围出现！”虽然事前已流出了嘉宾名单，但亦无损大家的热情，全场疯狂尖叫欢迎另一位天王——黎明出场。Leon是第三位上台支持Joey的天王，令天后到再次变回迷妹，兴奋得手舞足蹈，就连Leon都问：“你做咩系咁跳呀？”Joey说：“我控制唔到呀！”Leon神回：“咁你继续吖，个台好实净！”两人合唱《夏日倾情》表情相当大反差，Leon很冷静，Joey则超激动。

Leon出名金句王，到Chit Chat环节，他说：“依家系10点52分，有两个创举。第一，通常10点半我就走咗，第二，10点半通常已经陪紧个女瞓。”话虽如此，Joey难掩激动心情大叫：“Leon！Leon！我可唔可以揽下你拖住你呀？”岂料Leon说：“倾偈𠮶阵可唔可以唔拖呀？我要空番只手拖个女。”

Joey解释邀请黎明的原因，事源年初一次在餐厅内偶遇，当时Leon答：“8月开呀，我记住佢！”Joey形容对方一口答应，岂料Leon说：“当时我冇应承或者拒绝，哈哈！”Joey变成开笼雀，又说：“当时见到你真系好兴奋，无啦啦见到黎明。”旁边的Leon即爆金句：“因为夜晚见到黎明系咪？”台下观众即爆笑。

祖儿再问，Leon成日赐人金句，可有金句赠自己？黎明说：“你头发好金，总之就Good Luck。”Joey又讲到十分喜欢《原振侠》，Leon提到当年Plug歌一段往事：“当时喺电台宣传，咁啱有一班智障人士，希望我清唱首歌为鼓励佢哋，但我话呢首新歌唔唱得㗎⋯⋯”有口难言的Leon，隔了一会说：“因为呢首歌叫《傻痴痴》。”然后两人再合唱《傻痴痴》。