【01众故事】孤独精变浪漫唱作人 林一峰：要多谢屋邨木人巷生活
“如果我俾木人巷林二汶嘅话，香港屋邨俾咗个木人巷我，所以都系要多谢呢个社会。我写咗一首歌叫《雪糕车》，系讲屋邨生活，‘一家七口三百呎内’𠮶件事系真㗎……”
林一峰的音乐一向予人浪漫、治愈系的感觉，到底孕育这些作品的土壤从何而来？他与妹妹林二汶又是如何踏上音乐路？大家不要错过今集众故事！
童年娱乐就系唱歌 一峰同二汶合作一味靠“逼”？
“我同二汶最大娱乐系音乐，因为草根家庭都冇咩嘢拣。咁啱钟意，又揾到少少零用钱㖞，咁咪做落去啰！”一峰与二汶合唱的作品及演出大家都看过，其实两人少时候已经合作，不过主要是“阿哥逼细妹”。一峰十多岁时已经接触演出工作，每星期到黄金海岸演出，每节两小时，鉴于体力有限所以“请枪”：“一个人点唱到两个钟呢，咁啱林二汶又识唱歌，我就迫佢同我一齐唱喇！”当时歌酬每次2000元，对还在求学的年轻人来说十分丰厚，一峰笑言：“对一个十几岁小朋友嚟讲系好好用，当然我系唔会分俾林二汶，哈哈！”
浪漫因子早就植根 出走的渴望化作动力成就首首经典
虽说“一峰逼二汶”，这位兄长是否早有预谋为妹妹设下木人巷？他想了想说：“如果我畀木人巷林二汶嘅话，系香港屋邨俾咗个木人巷我，所以都系要多谢呢个社会。”《雪糕车》内歌词写道“一家七口三百呎内”是真有其事，每人各出奇谋寻找自己的空间，而一峰的方法反映了浪漫的基因一早潜藏在他心中。
“我揾空间嘅方法系望住对面旧启德机场，基本上系伸手可及，每一日如果你唔飞机升降声浪，同埋佢会唔会坠机嘅话，系好浪漫嘅件事。”亦因为每天看着飞机升降，他找到“离开时为了回来”的动力：“如果冇𠮶个咁狭窄嘅居住环境，亦都冇咁大离开嘅渴望！”
音乐养分从何而来？ 西方“真文青”成启蒙老师
即使有动机，也需要养分，否则所有灵感也只留于想像，无法转化为乐章，与听众交流。那林一峰的音乐养分又是从何而来？是谁启发他踏上“一人一结他”之路？“我细个接触音乐只可以从收音机，同埋舅父留俾我哋Sing Along歌曲，全部都系6、70年代嘅英文旧歌，Peter Paul and Mary作品我好熟㗎！”
年纪渐长他找到自己的“呼召”，他更发现“一人一结他”只是表演形式，重点是人文思想。“年纪一路大开始揾到自己嘅calling，原来系70年代美国、加拿大的唱作人为主，例如：Leonard Cohen、James taylor、Janis Ian。”他续说：“最影响到我并唔系音乐形式，而系人文思想，佢哋真心文青嚟㗎嘛！最重要系歌词、音乐意境同讯息，呢样嘢系华人音乐世界好少㗎嘛！因为音乐被视为娱乐，但西方系攞嚟做社会教育。”
及后一峰更想到将西方的唱作人文化，与台湾文案企划放到广东歌创作，虽然笑言自己“可能净系识做呢样嘢”，但正因为这份坚持奠定了他鲜明的风格。
“孤独精”蜕变成浪漫唱作人 如何做到孤独但不寂寞？
林一峰的作品总是离不开“浪漫”二字，可能有人会想到，是否要处处留情收集灵感才可写出各种作品？岂料他自言从小到大是孤独精：“由细到大基本上我都系孤独精。练结他都系自己一个练，学校合唱团又净系俾女仔玩。当时我学长笛，屋企又冇地方练，因为嫲嫲一听到就叫我唔好吹，因为觉得个音色好惨。其实件事系好孤独，但我好享受。因为当你好钟意一件事，就唔会寂寞；而当好多好孤独嘅人走埋一齐，就唔会寂寞，音乐就系有呢个神奇嘅力量！”