【坚．词】周耀辉盼作品能予听众力量：思考如何好好地活下去

“如果有个监制话‘我想要只大红嘅歌’，我会话‘其实你系咪要揾我呢？’”
这番话竟出自被誉为“香港三大词神”之一的周耀辉口中，相信不少读者也啧啧称奇。比起写出大红大紫的作品，周耀辉更希望自己的作品是“时代曲”，让身处同一个时代的人，无视阶级、身份的差异，也会觉得“呢个时代我都有份”。
摄影：龚嘉盛

我反问唔系要寸人，只系唔想勉强

周耀辉希望写出时代曲，而非“爆红”词作，原因很简单，不想负起承受不了的压力，以及不想辜负对方。他坦白说：“我反问唔系要寸人，而系第一，我唔想揹一个自己承受唔到嘅压力，我唔想勉强自己做一啲自己唔叻做嘅嘢；第二，我唔想辜负人哋嘅期望，假如呢只歌真系要达到某啲功能嘅话，不如揾一啲最叻做呢样嘢嘅人去做。”

填词的野心：想令大家反思如何活得更好

关于写出“时代曲”，周耀辉不单止想写出反映时代的作品，在这之上，感受过这个时代的坏，他希望透过文字、音乐让听众得以喘息：“可能就系纯粹𠮶只歌几分钟嘅开心、愉悦，或者听众喺呢几分钟入面，听到啲小道理、小力量，可以帮佢行落去，因为日常生活已经系一个好重要嘅抗争阵地。”每天也要面对种种不公、不如意，但其实我们也以好好地生活下去，这也是周耀辉希望听众能领会到。

每日也在抗争　由朝数到晚，有几多分钟系你自主地过？

“你谂下由朝数到晚，有几多分钟系你自主过？如果你从呢个角度去睇嘅话，你就知道你其实拥有好少嘅自主，好少嘅自由。”周耀辉一语道破当代人的生活日常，他更讽刺说要写出最强的时代曲，就是告诉大家“我哋系冇得拣㗎”，这当然是反话。他引《模特》的歌词去说明，告诉大众选择权是在自己手中，即使“离经叛道”的路相对困难，但这个世界正正需要像他一样的人。

“如果你睇完呢个访问，觉得耀辉你头先讲嘅嘢都系㖞，点样去过我嘅生命呢？或者发现都唔系好钟意做呢份工咋㖞，想揾一份新嘅工㖞！呢个已经系你嘅抗争”如何过你的人生，选择权掌握在你手中。