林奕匡求学时期内向遭排挤　用音乐令同学欣赏：𠮶阵时真系好热血

林奕匡（Phil）2014年凭著《高山低谷》而唱到街知巷闻，其后《安徒生的错》、《难得一遇》亦吸引了一班粉丝支持。开学临近之际，阿Phil更推出他亲自作曲的新歌《一世同学》。昨日阿Phil出席港台“太阳计划2018”毕业礼时，就回忆起自己读书时的经历，自己因音乐而变得更加好。

林奕匡（Phil）说：“谂起以前读书嘅时候比较静，好少同朋友去玩，又好少出声。开始学音乐之后，同学对我嘅眼光开始唔同咗，可能系有代表学校去表演，又攞奖，所以就多咗好多欣赏嘅目光，而呢个系我开始有自信嘅时候。”阿Phil提起，自己玩音乐前是一名宅男，更因自己是全校唯一的华人，总是受到歧视。“𠮶时成日俾人‘虾’嘅时候，就梗系唔会出众啦，但系就因为音乐令我成个人嘅气场都开心咗好多。”

林奕匡（Phil）续说：“中学15岁𠮶时，啱啱有呢个大转变。𠮶阵时真系好热血㗎，朝早8点半上堂，7点3就已经喺band房，上堂之前就已经有唱歌或者系Jazz band、concert band，Lunch time又喺band房，跟住放学3点半4点过后又喺band房，跟住就返屋企人餐馆帮手。餐厅忙完就返屋企练习练习练习，10点半过后第二朝6点半起身。你可以话我系好似返工嘅形式咁，同埋我𠮶时喺个“埠仔”冇乜嘢分心，戏院都冇，所以变相多啲时间做音乐。”所以，林奕匡在音乐路上，其实下了不少苦功。