林奕匡计划年底开演唱会 自觉未够班喺红馆开骚：呢个舞台好神圣
撰文： 赖家杰
出版：更新：
林奕匡（Phil）出席《流行经典50年》节目录影，Phil已经唔系第一次上呢个节目，透露呢次会与林志美合唱《爱的火花》。问到同前辈合唱会唔会好紧张？Phil直言：“都几得意同佢合唱，因为自己比较少唱呢类型歌曲，以前歌曲节奏会慢，所以字都少啲，所以咬字要更清晰。”Phi讲到更要苦练咬字方面。
Phil唱嘅流行歌曲大家都耳熟能详，问到觉唔得自己嘅歌曲能够成为经典？Phil当然希望有一日系经典“Phil亦透露今年有计划开演唱会：“宜家计划紧，希望有一个大型表演。”每一个歌手梦想目标系红馆开Show，Phil当然唔例外，但Phil觉得自己仲未能够系红馆开：“我始终觉得红馆舞台好神圣，我会觉得未系时候就唔可以，我未到100%满意自己我都唔可以，表演系一件事，享受又系一件事。”
接下来Phil要忙住筹备新专辑嘅事，会唔会怕老婆投诉冇时间陪佢？Phil表示完全唔担心呢件事发生：“佢宜家唔喺香港，宜家飞咗去温哥华，一半系因为工作，一半因为见屋企人，所以咁咪好，我冇时间陪佢，我又可以专心工作。”