【海潮】任性温碧霞自细食烟饮酒：畀爸爸打一巴我就离家出走！
即将举行《海潮》演唱会的温碧霞（Irene），在大众眼里，或者许是个贪靓玉女，甚至是个靠性感成名的女星，但事实上，她的银幕形象与其本人个性似乎有所出入。
摄影：黄国立
出身军官之家
现已嫁为人妻的Irene正忙著筹备下月演唱会，频频出席活动为演唱会宣传，虽然今年已经51岁，但仍不改来自《火玫瑰》的海潮跌膊look。自出道以来，她的演艺路历经几番波折，花瓶、艳星、卖肉……再难听的说话，Irene坦言都“听过晒”。这位出身自“军官”之家的女孩，坦承自己从小便很任性，更笑言自己“不嬲都好前卫”。“我今次想借演唱会用歌向歌迷展示真正嘅自己，会公开部分童年相，因为细个时屋企好穷，所以冇乜影相，影咗都冇得留底，好珍贵。”Irene的父亲是前国民党军官，从小被父亲严厉管教，由于其父国民党的身份，所以上世纪迁移香港后便居于“小台湾”调景岭，“可能因为管得愈严就愈反叛，我爸爸当时系连听到有男仔打俾我，会即刻cut线，又唔俾出夜街，所以愈管愈想要自由，而我又唔钟意读书，又唔听爸爸妈妈话，又试过离家出走，仲食烟饮酒，夜晚走去disco玩，总之做过好多好浪费青春嘅事。”
父亲离世 “一次过剪短晒把头发”
自小贪玩又任性的Irene，坦言是因为拍戏而改变了当年年少无知的她，“当时系个人先慢慢肯定落嚟专心做嘢，但我都系唔肯听人讲嘢，我要做一样嘢冇人可以改变到我，即系就算所有人都话错，都冇人可以改变到我，我谂呢种就系任性啰。”Irene忆述指，其父亲早年去世，笑言又是一个超任性的例子，“我当时将自己把头发一次过剪短晒，仲短过《靓妹仔》时期，𠮶下我系觉得Daddy离开我，好伤心，咩都冇谂，陷入一个好失落嘅状态，当时系我几方面都最好嘅时候，一下子剪晒头发，然后净系同佢讲我唔出唱片啦！”结果当时Irene便在高峰暂别娱圈。
“我冇谂过其他人感受”
“有冇后悔自己曾经咁任性？”我问。“其实依家谂番转头，只系觉得好傻，但都系成长嘅经历嚟嘅，而且我最终选择演戏，而冇拣唱歌，呢样系我呢世都唔会后悔嘅事，我最钟意演戏，想专心一致去做好呢件事。”她笑言现在回想当时，其实是一段人生经历，“我细个真系冇谂过其他人感受，经理人为我做咗咁多事，而且仲几成功，我一下唔做就唔做，浪费晒人哋心机。但我冇后悔，因为你唔经历过，真系唔知有时真系要听下人讲。”不过话虽如此，但她笑言现在人都长大了，硬颈依旧，但本质不变，“我觉得我就系我，依家只系好咗少少，但如果我冇坚持，冇晒性格，呢个就唔系我。”
性感系天生
“我冇谂过自己会系行性感，我好细个已经俾人咁样形容，但呢样嘢唔系我刻意做出嚟，我谂……系天生。我相信每个女仔都有自己嘅特质，而我就系咁，我会接受啰。”性感两字，一方面为Irene铺排了很好的演艺路，但另一方面却成为她演戏生涯的局限，“我谂系有影响嘅，但我又唔抗拒演性感角色。一路都好少人揾我演好平实嘅角色，好似海潮、妲己呢类，大部分系亦正亦邪嘅人物。”虽然Irene很喜欢自己演过的旧角色，但亦坦言，演员的身份从来很被动，“所以我先开自己嘅电影工作室！”
调景岭的孩子
一直盛传温碧霞在下月举行演唱会将告别娱乐圈，但其实一切都是传言，而她亦正准备向电影圈发展，“嚟紧我会做一部叫《我们的18岁》嘅戏，系一部关于成长嘅戏，会有部分关于我成长嘅地方调景岭。”如前文所言，Irene是一名成为于调景岭的孩子，“因为我爸爸系前国民军官，搬嚟香港之后咩都冇晒，所有嘢要重新建立，依家剧本写落嚟其实好丰富，唔止系我自己嘅故事，仲有身边好多人嘅故事。”
场地：富荟上环酒店
发型：Ken Ng@Queens Private i
化妆：Khaki Yan