温碧霞分居4个月突然复合　老公赴美箍煲贺妻生日

撰文： 何志衡
出版：更新：
分居4个月之后，温碧霞同老公终于复合。
星期日系温碧霞51岁生日，老公何祖光专程飞到美国同老婆庆祝，一齐切蛋糕。

昨日51岁生日嘅温碧霞，早几日就去咗美国旅行，并喺微博透露：“一段婚姻关系的变化不一定代表二人的感情破裂……多谢大家关心。”而连日来都只见到佢一个人嘅照片，好似呢个生日好孤单咁。

温碧霞喺微博贴咗多张全家福，成个人开心晒。

但原来佢老公何祖光喺佢生日当日已经飞咗去美国箍煲，Irene喺微博贴咗好多相片，见到何祖光同养子一齐陪佢切蛋糕，仲有几张3人全家福添！Irene笑容满面终于开心番晒，佢留言同老公讲：“谢谢你这些日子里带给我的快乐和幸福，我们一起笑过哭过以后，原来爱已经成为了我的习惯，Ps谢谢你包容我的一切任性和自我，love u always”终于雨过天清，呢个应该系Irene最好嘅生日礼物喇！

温碧霞上星期已飞咗去美国散心，当时佢只贴独照。
温碧霞承认婚变　分居4个月：需要时间冷静下来　温碧霞恨返无线拍剧　美魔女再演坦己有冇得谂？