TVB嫌《劲爆》欠吸引力不转播？　家燕姐：希望一线歌手支持乐坛

一年一度的“新城劲爆颁奖礼”将于今年12月29日“分猪肉”。以往要收看该颁奖礼，除了可于新城电台收听直播外，更可于TVB收看节目转播。不过最近有报导指，今年TVB疑因向新城电台收取转播费的关系而取消，因此今年“劲爆”只会在电台、新城网站及手机app直播。种种原因令人联想是否因颁奖礼吸引力不及从前所致。

新城高层称为“新城之宝”的家燕姐接受《香港01》访问时认为：“以我所知今年新城电台好想用自己嘅网络平台直播劲爆颁奖礼，我明白接触群众未如电视台咁多，但系依家系互联网嘅世界，大家都想用互联网做一啲嘢出嚟，而且可以方便大家透过手机app随时睇到。我谂新城电台今年想主力谷手机app所以先有咁嘅决定，绝对同电视台有无收播映费无关。”

新城知讯台节目执行总监程凯欣（Karen）接受电话访问时解释：“新城电台同TVB多年嚟都系以‘合作形式’去洽谈转播事宜，当中从来都无涉及钱（播映费）呢个问题。其实少一个地方转播对我哋无影响。依家系一个多媒体平台嘅时代，预期delay broadcast（转播），我哋紧系想用自己嘅多媒体平台（网站及app）直播当晚嘅颁奖礼。以往颁奖礼我哋都只系透过大气电波直播，而画面上要等TVB转播，乐迷睇转播嘅时候其他报导及赛果已经出晒街，睇嘅时候都无咁投入。何况TVB亦会因应歌手有无TVB合约嘅关系而被剪接，所以要睇原汁原味嘅颁奖礼及即时性知道赛果，紧系睇我哋嘅直播啦。”

以往《劲爆》给予人感觉“分猪肉”味甚重，也有网民指创意不足，家燕姐希望歌手可以出一分力，为颁奖礼娱乐性提高：“其实新城电台主办新城劲爆颁奖礼系一件好吃力嘅事，佢哋年年都想做好颁奖礼，但奈何要办颁奖礼制作成本高，大嘅歌手唔多，赞助费又不如以往，相比之下依家要做好一个颁奖礼，难度大大提高，所以我都好希望一线嘅歌手可以支持多啲香港嘅乐坛。”

问到早前香港电台主办的“十大中文金曲”被指人丁单薄问题，Karen表示：“我哋唔会同其他电台比较，大家方式唔同。”至于提到“新城劲爆颁奖礼”常被指没有创新，Karen言之凿凿表示今年有惊喜：“今年李克勤会支持我哋颁奖礼，而且仲会有一啲好多年无出席颁奖礼嘅歌手都会出席，所以大家可以密切留意。”

Karen续说：“如果有留意上年度颁奖礼，你会知道我哋已经有脱胎换骨嘅表现，上年我哋减少颁奖数量至50几个，而今年亦会少于70个奖项，今年啲门票都好抢手。”

与老婆在日本渡假的新城DJ啤梨则笑言：“‘分猪肉’系一种亲切嘅形容，起码唔使以为自己（新城）高高在上，对歌手系一种善意嘅表现，都系果一句香港嘅乐坛系需要‘鼓励’。”提到今年香港电台颁奖礼一分为二的做法，啤梨谓：“我觉得港台肯试新野系一件好事，我好欣赏同埋尊重佢哋。”