E-kids演唱会优先订购卖哂　Tommy：连我哋都得，好多人都得！

乐坛“重生”组合E-kids自最近推出新歌《终止恋爱》后，再成网民讨论话题。歌曲推出数天成为Youtube热门歌曲之一。他们将于明年（2018年）2月在旺角麦花臣举行两场演唱会，并于今早开始公开优先订票，谁不知六至七成的优先订票于4小时售罄，“乐坛小强”依然是打不死。

刚于日本开完骚的E-kids成员Tommy （阮民安）接受《香港01》电话访问时表示：“今日我哋正式公开预售我哋2018年2月嘅演唱会门票，估唔到4个钟就卖哂预售嘅飞，我依家身在日本，我收到哩个电话嘅时候真系吓一跳。还记得上年开E-kids重组演唱会都要用一日时间先卖得哂预售门票，今次竟然用咗4个钟，仲要系比上年多开一场，成件事好似发紧梦一样。我保证买咗飞嘅人，一定会觉得值回票价。”

提到会否加场，Tommy表示实属未知之数：“可能真系要等我喺日本返到香港再同公司开会先会有决定。始终卖哂嘅只系优先预售嘅飞，不过都已经占六至七成。”

Tommy续说：“最近E-kids有很多好消息想公布。首先喺日本做完个骚之后，现场嘅人反应都好好，所以日本𠮶边都想将我哋嚟紧个骚（演唱会）嘅DVD喺日本发行。又想我哋嚟紧嘅新歌可以喺日本哩边制作，又提议我哋2018年再去日本开骚。其实听到哩啲消息好鼓舞，哩个都系我哋（E-kids）2018年嘅目标。”

他又谓：“终极目标一定系E-kids开红馆。始终上年同今年演唱会卖票情况理想，所以会唔会入纸红馆，我哋系认真考虑紧。如果E-kids真系开完两次麦花臣之后可以上红馆，我相信哩个系一个创举。当市场唔睇好E-kids嘅时候，如果连我哋都开到红馆嘅话，真系要讲句‘连E-kids都得，好多人都得！’希望所有年青人努力追梦，而我哋E-kids亦会一样。”

提到早前出的两首快歌《一二三四》及《咪谂》，反应未如《终止恋爱》，Tommy表示：“《终止恋爱》令到唔少网民有共鸣或多或少系因为15年前嘅《开始恋爱》。好多谢大家咁钟意呢首歌，为E-Kids重组打下一枝强心针。我想讲我哋重组之后做嘅所有歌曲不论系MV、音乐制作都花好多心机，不过而快歌方面我亦都理解反应无咁好嘅原因，因为香港人始终对快歌接受能力相比起慢歌系较低。”