周慧敏自爆曾患焦虑症　下年个唱可能系告别作？

“玉女掌门人”周慧敏出道30周年，早前宣布将于2018年1月举行红馆个唱，结果反应大热，更特意加开一场。虽然不愁门票销情，不过Vivian近日仍然密密做宣传接受访问，希望能与乐迷多沟通。近日接受雷霆881节目《一圈圈》访问，重提当年事业如日方中时突然引退的往事。

原来Vivian立下决心要引退，源自身体“亮起红灯”，她忆述：“有一次我拍紧戏，突然觉得只眼有啲唔舒服，所以我就想同团队请一个钟头假，过海睇眼科。当年都未有保姆车，我自己截的士过海，仲要塞车。𠮶一刻我就发现自己唔妥，好焦虑咁喺车上喊，个司机见到都好惊问我有冇事，我同佢讲塞车令我好焦虑。经过呢件事，我就觉得要正视呢个问题。”虽然Vivian当年不愁衣食，但她表示：“当时我系揾到钱，但我冇时间去洗，我都感受唔到自己嘅歌手梦想实现咗。所以我觉得要狠啲停低，转埋电话号码比自己休息。因为我个人好心软，我惊自己接到啲工作邀请会唔好意思推。”

不过当Vivian真正停低后，她却发现不如自己所想：“我发觉原来我好多嘢都唔识，我净系知点样做好歌手同演员嘅角色。去到其他事情上，我好似返到去一个小朋友嘅阶段咁，连照顾自己都唔知做唔做到。于是我去咗外国生活，由照顾自己开始重新学起。”

对于即将举行的演唱会，Vivian亦将其视为“最后一次”：“难得自己仲有喺台上做咁Heavy表演嘅魄力，我就觉得今次呢个演唱会一定要做，因为真系做一次少一次，所以我而家已经将呢啲咁Heavy嘅表演，每次都当系最后一次咁做。”