C AllStar郑秀文红馆尾场玩到唔舍得走　Sammi变花痴：On仔好硬！

《生于C AllStar》演唱会昨晚完美结幕，随著演唱会的结束亦为C AllStar的八年音乐生涯画上休止符。演唱会在完成《CantoPopsibility》的部分后，便进入后半环节。舞台布景一转，LED墙上显示出维港景色，不同的演员在舞台上出现，扮作维港旁的人群，忽尔让人想起，C AllStar在刚成立时亦曾在街上进行一系列Busking活动。身穿西装再次上台的四人，唱出《夜幕天星》、《时间囊》、《燕尾蝶》、《别让小岛沉没》、《城徨城恐》、《门常关》、《约定》、《日暮途远》等歌曲，表面上歌曲似乎有点不按理出牌，但实际上却相当有深意。每首歌曲的内容也像诉说出对香港这城市的关爱及痛心。

演唱会前已高调宣布休团的C AllStar，四人今次为演唱会特地分别拍摄了一段“休团宣言”的短片，把各个成员的心声纪录下来。On仔笑言：“希望单飞后，几位兄弟不要再于Whatsapp上已读不回，还要让我发现你们在线上。不过我唔会嬲你哋，我仲会@到你哋覆我为止。”钊锋则以不同的动物来形容一众兄弟：“On仔？成只猩猩咁啰。阿King就系树獭，慢活一点，佢成日都唔喺我哋呢个空间度。Jase…都系猩猩啰，多毛呀嘛，佢身上嘅毛发系可以修饰一对手，大家嗌佢一声毛毛呀。”而阿King的片段中，则比平时更活跃一点：“On仔，你系C AllStar嘅太阳，你充满正能量，你每次散播正能量嘅时候，啲肌肉就会越嚟越大。《天梯》七年啦，钊锋七年啦，咁你系咪应该整多首《天梯2.0》啦？Jase，我想听你唱歌多过你介绍嘢食啰，大家话系咪？”片段随即转去Jase的画面，播出他介绍食物的场景：“有时你要试啲新嘢呢，但系会发觉，哗洗唔洗咁咸呀？你试下好似我咁，摆低十分钟唔好掂佢，之后再食返呢，你又会发觉好味好多㖞，点解呢？系因为时间会冲淡一切，其实人生都一样。”随即引来全场掌声及笑声，原来Jase在冷面底下亦藏著一位笑匠。

四子再次出现在舞台上，并唱出《专业失恋30年》及《犯贱》的合唱团版，及后唱到《最后一次》时，Sammi郑秀文突然在台上出现，并与四人合唱这首属于她的作品。与四人聊天时，Sammi显得特别兴奋：“今日彩排嘅时间，一嚟我就梗系抽下水先啦，一摸落去On仔度，好硬呀！佢𠮶六旧腹肌真系好似石头咁硬！”On仔随即脱掉上衣表示：“你想要我送比你啦。”而钊锋在旁也不禁多口：“比起C AllStar嘅On仔，同你屋企嘅安哥呢，边个硬啲呢？”随即被其余三子及Sammi揶揄他乱讲嘢，不过Sammi亦大方回应：“摸落去又真系On仔硬好多啰。”

Sammi亦问到四人：“听讲你哋今晚之后就休团，其实咩叫休团？”C AllStar亦费了一番唇舌去解释：“即系我哋C AllStar会暂停用团体名义去做音乐，可能去吓旅行先。”Sammi立刻插咀：“休息只为走更长嘅路，系咪咁嘅意思？”四子亦表示赞同，Sammi续道：“你哋今晚拣《最后一次》同我合唱真系好有意思，同埋我好想比啲鼓励，因为我觉得一个团体经历咗咁多嘢，去到七年要暂休，走出呢个Comfort Zone系好需要勇气，对于你哋四个都系新开始。可能歌迷未必知道，其实佢哋呢份勇气好大部份都系嚟自你哋呢班歌迷。希望佢哋有咩个别发展都好，大家都要继续支持佢哋。”