陈慧敏麦花臣开骚感激好朋友　“许廷铿推咗个活动帮我做嘉宾”

正当每位歌手也纷纷抢在澳门开骚时，慧敏哥仍然不忘在香港开骚的目标：“其实今次演唱会并不在原本的计划当中，因为我做音乐其实也是抱持着随心的态度。因为爱，所以便去做，之前2015年曾经在澳门开过一次演唱会，也一直想在香港开一次。而今次11月1日刚巧旺角麦花臣有档期，所以不计算太多，心口挂着勇字便去做了。大家也知道11、12月有不少歌手轮住开骚，可能今次也是有点冒险，不过对我来说，就像我的新歌《我们叫傻瓜》当中所说，我们为了生活花太多时间去变得精明及理性，也用了不少时间去计划事情，但其实人生可以简单一点、傻一点，因为想做而做一些旁人看起来疯狂的事情。所以今次的演唱会，我知道有机会嚟就做。”

作为歌手，歌迷的支持是相当重要，不过除了歌迷的支持外，朋友的力撑也令慧敏哥相当感动。一向在圈内朋友多的慧敏哥表示：“今次有好多朋友都会嚟支持我开骚，有几个要特别去多谢。首先系小肥，因为有好多事情，包括由我出道做歌手到而家喺香港开骚，佢都有份促成，所以好多谢佢。然后系Alfred许廷铿，大家都知佢忙㗎啦，但系佢知道我11月1号开演唱会，特登推咗一个活动嚟做我演唱会嘅嘉宾，我系好感激佢。仲有阿Mag林欣彤，佢系我嘅一个Soulmate，我直头当咗佢系我香港嘅屋企人啦。坤哥（吴业坤）都好唔话得，一听到我开演唱会，就已经帮我包咗10张飞嚟睇。”陈慧敏的音乐会门票最贵虽然也只售$580，但大大话话10张飞，就已经近6千元了。

作为澳门演艺人副会长，大家可能会以为陈慧敏位高权重，可以帮到自己又帮到其他澳门艺人。不过慧敏哥直言：“我自问自己嘅影响力未够好，未可以帮到其他澳门歌手啲咩。不过大家可以一齐有多啲唔同嘅搞作，例如嚟紧10月27号都会有个《港澳零距离》嘅音乐会喺香港举行。”其实之前慧敏哥亦有试过跟澳门的音乐人合作，对网民来说，早几个月她与排长合作在网上发布的《儿歌Medley》深信是较受欢迎的作品，慧敏哥亦表示：“网上嘅音乐都有机会再做，随心咁做啰，因为唔想知道某一类型嘅作品受欢迎，就刻意去取悦其他人。以前啱啱开始做歌手嘅时候，会有个时间表俾自己，几时要做到啲咩成绩出嚟，但系做咗几年，已经冇咗呢种包袱，反而每日踏实做好要做嘅事情就足够。当然心入面都会希望可以开啲比较大型嘅音乐会，喺港澳地区以外，可以去多啲唔同嘅Live House表演。”