【独自音乐】Freeze组合出道行性感 石咏莉：出街被人指住闹
“01音乐”全新节目《独自音乐》，来到第二集。今集嘉宾可以以“重生歌手”来形容。她就是歌手Sukie S石咏莉。她刚出道虽然即获公司力捧，但她曾因性感路线及被指整容等等的各种事情，被人看低一线，认为她除了卖弄性感，没有真材实料。石咏莉在2007年以女子组合Freeze身分出道，Freeze出道时走性感火辣路线，而且更被外界形容为“整容三娇”。组合解散后到两年前，她以艺名Sukie S重新出发，在网上得到好评。她的HI-FI唱片也成了销量保证，先后荣获 IFPI十大销量广东唱片2015，IFPI十大销量本地歌手2015 两大奖项。到今年她在IFPI香港唱片销量大奖颁奖礼2016再接再励，成为十大销量本地歌手之一。专辑《Sukie S Welcome 2 My Destination》也成为十大销量广东唱片。
摄影：谢浩然
发型：Casei @Beijing Hair Culture（CWB）
化妆：Kayte Fung
今集的《独自音乐》在西贡拍摄，全因西贡就是Sukie长大的地方：“对我嚟讲，西贡系一个好有回忆嘅地方，我细细个就喺呢到长大。爸爸系做养鱼批发。细个嘅时候家境并唔富裕，无玩具玩。我嘅娱乐只系假日同爸爸去鱼场玩。记得有一次，爸爸已经将鱼池啲鱼送走之后，由于个鱼池无鱼，所以我以发泡胶箱作为船，喺四方形嘅鱼池入面扮出海。有时爸爸喺西贡海鲜街送货，佢又会拎一只绑住海草嘅蟹仔送俾我做宠物。虽然屋企唔系富有，但呢啲小玩意已经令我好开心嘅童年回忆，更何况呢种经历唔系个个人都会有。”
相信每个人的生活上总会有寂寞之时，这位“重生歌手”歌手石咏莉也不例外：“我啱啱入行做组合（Freeze）嘅时候其实都几寂寞，因为真系无咩人明白我。做嘅嘢都唔系我入行嘅初衷，其实我做人好简单，就系钟意唱歌。只有有机会分享我嘅音乐我就会去尝试。有好多朋友会问我，Sukie你初时走去做Freeze会唔会同你想行嘅音乐路唔同，反而仲兜远咗？但我会谂其实如果当时无咁行过，就无依家嘅Sukie。呢一段成长经历对于我嚟讲系一个好重要嘅历练。”
石咏莉坦言：“做Freeze嘅时候我的确系受过好多人嘅白眼。我记得当时出街去见朋友都有遇过路人指著我嚟闹。佢地会话我整容，话我只系识性感，全部都系一啲难听嘅说话，依家嘅我系唔会嬲，因为我已经唔同咗，我希望大家可以透过我近年做嘅音乐再重新认识Sukie。当时我系觉得好辛苦，不过我会谂只要为咗梦想呢一切都唔紧要。”
《不愿一个人》主唱：Sukie S／ 结他伴奏：叶肇中（音乐监制）
在石咏莉的眼中，只要有人真心聆听她的音乐，她已经心满意足，她希望得到的只是“歌手”这个称号：“我好记得当时我用‘Sukie S’呢个名张我第一首重新改编嘅歌曲《结他低泣时》放上网。呢个喺一个见唔到我个样嘅MV，因为我好怕人哋见到石咏莉呢三个字之后会先入为主。点知网民嘅留言好正面，又会问呢位女歌手系边个，会唔会系杨千嬅、陈慧琳或吴雨霏。我当时觉得原来用声音为先，系啱嘅决定，单靠声音真系会有人去欣赏。”